– 117 مىڭ تۇلەككە ارنالعان جاقسى جاڭالىق: ءبىلىم جانە عىلىم ءمينيسترى Askhat Aimagambetovتىڭ باستاماسىن جالعاستىرىپ, testcenter.kz سايتىمىزدا ۇلتتىق بىرىڭعاي تەستىلەۋدىڭ ونلاين بايقاۋ سىناقتارىن تەگىن ەتتىك. بۇعان قوسا, تەستتەر بازاسىن ماكسيمالدى تۇردە جاڭارتىپ, ءار پاننەن 70 بىرەگەي نۇسقا ەنگىزدىك, – دەپ سۇيىنشىلەدى د.سماعۇلوۆ ءوزىنىڭ فەيسبۋكتەگى رەسمي پاراقشاسىندا.
ونىڭ مالىمدەۋىنشە, ۇلتتىق تەستىلەۋ ورتالىعى كوممەرتسيالىق ۇيىم بولعاندىقتان ءوزىن-ءوزى قارجىلاندىرادى. ويتكەنى مەملەكەت باستى قاجەتتىلىكتەرگە (جيھاز, كومپيۋتەرلەر جانە ت.ب. تەحنيكاعا), جوندەۋ جۇمىستارى نەمەسە وقىتۋ شارالارىنا, سونىمەن قاتار قىزمەتكەرلەردىڭ قوسىمشا تولەمدەرى مەن سىياقىلارىنا بيۋدجەت (تەك ورتالىق قىزمەتكەرلەرىنىڭ 50% جالاقىسى بيۋدجەتتەن كەلەدى) بولمەيدى. سوندىقتان تەست تە اقىلى بولدى. بىراق ەلىمىزدەگى توتەنشە جاعداي كەزىندە تالاپكەرلەرگە جاعداي جاسالىپ, ۇبت سىناعىنان وتۋگە بايلانىستى بارلىق تولەمدەر الىنىپ تاستالدى.
