ءبىلىم • 21 ناۋرىز، 2020

ءۇشىنشى وڭىردە بالاباقشالار جابىلدى

47 رەت كورسەتىلدى

سوڭعى ستاتيستيكالارعا سۇيەنسەك، ەلىمىز بويىنشا بارلىق بۇلدىرشىندەردىڭ تەك 16،8 پايىزى بالاباقشالارعا بارىپتى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى. 

20 ناۋرىزدا قازاقستاندا 149 300 ءبۇلدىرشىن بالاباقشالارعا باردى. قازىرگى ۋاقىتتا مەملەكەتتىك مەكتەپكە دەيىنگى مەكەمەلەر تەك وڭىرلەردە شتاتتىق رەجيمدە جۇمىس ىستەيدى.
توتەنشە جاعداي ەنگىزىلگەنگە دەيىن مەكتەپكە دەيىنگى ۇيىمدارعا 888،3 مىڭ بالا كەلگەن. توتەنشە جاعدايدىڭ ءبىرىنشى كۇنى (16.03.2020 ج.) مەكتەپكە دەيىنگى ۇيىمدارعا كەلۋشىلەر كورسەتكىشى 42% (392،0 مىڭ ادام) بولسا، اعىمداعى جىلدىڭ 19 ناۋرىزىندا تەك 28%-دى قۇرادى.

ەستەرىڭىزگە سالا كەتەيىك، نۇر-سۇلتان مەن الماتىدا كارانتين جاريالانۋىنا بايلانىستى مەملەكەتتىك جانە جەكەمەنشىك مەكتەپكە دەيىنگى ۇيىمدار جابىلعان بولاتىن. سونداي-اق، تۇركىستان وبلىسىندا حالىقتىڭ تىعىزدىعىنا جانە ينفەكتسيانىڭ تارالۋ قاۋپىنىڭ جوعارى بولۋىنا بايلانىستى بارلىق بالاباقشالار جۇمىسىن توقتاتتى.
بۇعان دەيىن  ءبىلىم جانە عىلىم مينيسترلىگى اتا-انالارعا بالالاردى مۇمكىندىگىنشە مەكتەپكە دەيىنگى ۇيىمدارعا اپارماۋدى ۇسىنعان ەدى. بالاباقشاعا بارماعان بالانىڭ ورنى ساقتالاتىنى دا ايتىلدى.

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار