ايماقتار • 17 ناۋرىز، 2020

ماڭعىستاۋلىق كاسىپورىندار ۇزدىك جۇزدىككە ەنۋگە ىنتالى

8 رەتكورسەتىلدى

دۇنيەجۇزىلىك بانك قارجىلاندىراتىن قازاقستانداعى ءونىم تاسمالداۋشىلاردى دامىتۋ باعدارلاماسىن ىسكە اسىرۋعا ۇلتتىق ەكونوميكا مينيسترلىگى مۇددەلى. جوبا «Qazaqindustry «قازاقستاندىق يندۋستريا جانە ەكسپورت ورتالىعى» اق مەن «اتامەكەن» ۇلتتىق كاسىپكەرلەر پالاتاسىمەن جۇزەگە اسىرىلادى. بۇل تۋرالى «اتامەكەن» ۇلتتىق كاسىپكەرلەر پالاتاسى ماڭعىستاۋ وبلىستىق فيليالى ءباسپاسوز قىزمەتى حابارلادى.

جوبا ەكى كەزەڭنەن تۇرادى. الدىمەن 200 شاعىن جانە ورتا كاسىپكەرلىك /شوك/ سۋبەكتىلەرىنىڭ بيزنەس جاعدايى ءبىر كۇن بويى باعالانادى. كاسىپورىنداردى ارالاۋ بارىسىندا ءبىرىنشى كەزەڭدە انىقتالعان كەمشىلىكتەر 3 اي وتكەننەن كەيىن ىلگەرىلەگەنى انىقتالادى. باعالانعاننان كەيىن جاقسارتۋ بويىنشا جوسپاردا قويىلعان ماقساتتارعا جەتۋ ءۇشىن ۇلكەن جەتىستىكتەرگە جەتكەن كومپانيالاردان 100-ءى مىقتىلار توبىنا ىرىكتەلىپ، قر تاۋار جەتكىزۋشىلەرىنىڭ دەرەكقورىنا ەنگىزىلەتىن بولادى.

جوبانىڭ ءبىرىنشى كەزەڭىندە قاتىسۋشىلار قاتارىندا ماڭعىستاۋ وبلىسىنان 21 كومپانيا بولدى. ولار تەگىن باعالاۋدان ءوتتى. 3 ايدان كەيىن 2020 جىلدىڭ 17-28 اقپان ارالىعىندا كومپانياعا ەكىنشى رەت بارۋ كەزىندە ىلگەرلەۋىن كورسەتە الدى. ۇزدىك 100-كە كىرگەن جاعدايدا كاسىپكەرلەر:

- شىعىنداردى 100% - عا دەيىن وتەيتىن حالىقارالىق سەرتيفيكاتقا يە بولادى (سەرتيفيكات وزىنە جانە سەرتيفيكات الۋعا باعىتتالعان كونسالتينگتىك قىزمەتتەر ءۇشىن);

- بيزنەستى جاقسارتۋعا جەكە قولداۋ كورسەتۋ جانە «ساتىپ الۋشىلارمەن كەزدەسۋ» كوپ ۇلتتى ساتىپ الۋشىلارمەن كەزدەسۋگە مۇمكىندىك الادى.

- بارلىق قازاقستاندىق سۋبەكتىلەر ءۇشىن ورتاق باسىمدىقتار بەرەتىن ماسەلەلەر بويىنشا تەگىن سەمينارلار مەن وقىتۋ جۇرگىزىلەدى.

2019 جىلدىڭ قىركۇيەگىندە جوبا تۋرالى اقپاراتتى تاراتۋ جۇمىستارى باستالىپ، بۇل بىرەگەي شارا اياسىندا بيزنەس سۋبەكتىلەرىنە بارىنشا كوپ تارتۋ ماقسات ەتىلدى. ويتكەنى قازاقستاندىق كومپانيالار ءۇشىن مۇناي-گاز، مەتاللۋرگيا جانە تاۋ-كەن ءوندىرۋ سالالارىندا جۇمىس ىستەيتىن ترانسۇلتتىق جانە ءىرى قازاقستاندىق كورپوراتسيالار ءۇشىن سەرتيفيكاتتالعان جانە اككرەديتتەلگەن جەتكىزۋشىلەر بولۋدىڭ ەڭ ءتيىمدى جول. ترانسۇلتتىق كومپانيالار ءۇشىن بەكىتىلگەن جەتكىزۋشى مارتەبەسىن الۋ شاعىن جانە ورتا كاسىپكەرلىكتىڭ دامۋىنا باعىتتالعان.

ءبىرىنشى كەزەڭنىڭ ناتيجەلەرى 2020 جىلدىڭ ناۋرىز ايىنىڭ سوڭىندا بەلگىلى بولادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار