قازىرگى تاڭدا دۇكەندەر مەن بازار سورەلەرىندەگى ازىق-ت ۇلىك باعاسى, ونىڭ ىشىندە ۇكىمەت بەكىتكەن 19 ءتۇرلى الەۋمەتتىك ماڭىزى بار تاۋارلار اكىمدىكتىڭ تىكەلەي باقىلاۋىندا. اتالعان باعا ماسەلەسىنە بايلانىستى اقتاۋ قالاسى اكىمدىگى اپتانىڭ ءبىرىنشى جانە ءتورتىنشى كۇندەرى مونيتورينگ جۇرگىزەدى.
الەۋمەنتتىك ماڭىزى بار تاۋارلار قورىن تولىقتىرىپ, سونداي-اق باعاسىن تۇراقتاندىرۋ ماقساتىندا ماڭعىستاۋ وبلىسىنىڭ ازىق-ت ۇلىك باعاسىن تۇراقتاندىرۋ قورىنا 100 ملن تەڭگە بولىنگەن. ونىڭ 58 ملن تەڭگەسىنە حالىققا قولجەتىمدى باعادا تاۋار ۇسىنۋعا نيەت بىلدىرگەن 5 كاسىپكەرمەن كەلىسىم-شارت جاسالدى. الداعى اپتادا 365 توننا كارتوپ,70 توننا جۋا, 410 توننا ءسابىز بەن 70 توننا قىرىققابات جەتكىزىلەدى.
- ءبىز رەسەي, وزبەكستان ەلدەرى مەن كورشىلەس وبلىستاردان تاۋارلار جەتكىزۋ تۋرالى تۇراقتى تۇردە كەلىسسوزدەر جۇرگىزىپ كەلەمىز. الەۋمەتتىك ماڭىزى بار تاۋارلار قورى 2 ايعا جەتەدى, دەدى «كاسپي» اق باسقارماسىنىڭ توراعاسى ابزال مەڭدىباەۆ.
بۇگىندە الەۋمەتتىك جەلىلەردە, قىزاناق پەن قياردىڭ باعاسىنىڭ كۇرت ءوسۋى جايىندا ماسەلە كوتەرىلدى. بۇل كوكونىس تۇرلەرى الەۋمەتتىك ماڭىزى بار ازىق-ت ۇلىك ساناتىنا كىرمەيدى. الايدا اكىمدىك تاراپىنان وسىعان وراي شۇعىل تۇردە ءتيىستى شارالار قابىلدانۋدا.
اقتاۋعا قيار مەن قىزاناقتىڭ باسىم بولىگى تۇركمەنستان ەلىنەن تاسىمالدانادى. الەمدەگى بەلەڭ العان كورونوۆيرۋس ينفەكتسياسىنا بايلانىستى تۇركمەنستان مەن يران اراسىنداعى شەكارا جابىلعان. تۇركىمەنستانعا كوكونىستىڭ بۇل ءتۇرى يراننان كەلەدى ەكەن. وسى جاعدايعا بايلانىستى تاسىمالداۋ مەن سالىق شىعىنى, ارينە تاۋار باعاسىنىڭ قىمباتتاۋىنا تىكەلەي اسەر ەتەدى. كۇنى كەشە تۇركيادان وسى قىزاناق پەن قيار جەتكىزىلدى. قازىرگى تاڭدا حالىق ەڭ كوپ باراتىن «اسار-س» بازارىندا قىزاناق پەن قياردىڭ باعاسى 750-800 تەڭگەگە تۇراقتالعان, دەدى اقتاۋ قالالىق كاسىپكەرلىك ءبولىمىنىڭ باسشىسى باۋىرجان ساپا.
