ماقساتى – ۇكىمەتتىك ەمەس ۇيىمدارمەن ءوزارا ءىس-قيمىل بويىنشا ۋاكىلەتتى تۇلعالار ارقىلى قىزمەت سالالارى بويىنشا ۇكىمەتتىك ەمەس ۇيىمدارمەن ءوزارا ءىس-قيمىلدى جانداندىرۋ, پروبلەمالى سۇراقتاردى تالقىلاۋ جانە ءارى قارايعى وسى باعىتتا بىرلەسىپ جاسايتىن جۇمىستى قالىپتاستىرۋ.
قازاقستان رەسپۋبليكاسىنىڭ پرەزيدەنتى ق.ك.توقاەۆتىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىلگەرىلەتۋ بويىنشا ۇكىمەتتىك ەمەس ۇيىمدارىمەن كەزدەسۋ حاتتاماسىنىڭ نەگىزىندە وتكەن بۇل كەزدەسۋ «دوڭگەلەك ۇستەل» فورماتىندا ۇيىمداستىرىلدى.
شارا بارىسىندا ۇكىمەتتىك ەمەس ۇيىمدار مەن ىشكى ىستەر ورگاندارىنىڭ ءوزارا ءىس-قيمىل جاساسۋىنىڭ تيىمدىلىگىن ارتتىرۋ جونىندەگى ءىس-شارالار تۋرالى ايتىلدى.
ءسوز بارىسىندا زورلىق-زومبىلىققا ۇشىراعان ايەلدەر مەن بالالار ءۇشىن, ادام ساۋداسىنىڭ قۇرباندارى مەن ت. ب. ءۇشىن داعدارىس جانە وڭالتۋ ورتالىقتارىن كەڭەيتۋ, بىرلەسىپ كامەلەتكە تولماعاندار اراسىنداعى قۇقىق بۇزۋشىلىقتار مەن قىلمىستاردىڭ الدىن-الۋ جانە بالالاردىڭ قاداعالاۋسىز جانە پاناسىز قالۋىنىڭ الدىن الۋ بويىنشا ءىس-شارالار وتكىزۋ, حالىقتىڭ الەۋمەتتىك وسال توپتارىمەن جۇمىس ىستەۋگە باعىتتالعان الەۋمەتتىك جوبالاردى جۇرگىزۋ جانە وزگە دە وزەكتى ماسەلەلەر تالقىعا ءتۇستى.
ودان ءارى بۇل شارا ءوز جالعاسىن تاۋىپ, بىرىگىپ كوپ ماسەلەلەر ءوز شەشىمىن تاباتىنى ءسوزسىز.
ماڭعىستاۋ وبلىسى
