ايماقتار • 11 ناۋرىز، 2020

ماڭعىستاۋ: سوڭعى 4 جىلدا ينۆەستيتسيا كولەمى 556،2 ملردقا جەتتى

25 رەتكورسەتىلدى

ماڭعىستاۋدا سوڭعى ءتورت جىلدا ينۆەستيتسيا كولەمىنىڭ 37،1%-عا ءوسىمى ارتقان. بۇل تۋرالى «قوعامدىق كوممۋنيكاتسيا ورتالىعىندا» وتكەن بريفينگ بارىسىندا ماڭعىستاۋ وبلىسى اكىمىنىڭ ورىنباسارى نۇرداۋلەت قيلىباي ءمالىم ەتتى.

وتكەن جىلى نەگىزگى كاپيتالعا قۇيىلعان  ينۆەستيتسيا كولەمى 556،2 ملرد.تەڭگەنى قۇراعان، بۇل 2018 جىلدىڭ سايكەس كەزەڭىمەن سالىستىرعاندا 7،0%-عا ارتىق.

وتكەن جىلى وبلىستا 31،6 ملرد تەڭگەگە 13 ينۆەستيتسيالىق جوبانى ىسكە اسىرۋ جوسپارلانعانى تۋرالى ايتقان ەدىك. الايدا، ونىڭ 4-ەۋى عانا پايدالانۋعا بەرىلىپ، 10،3 ملرد تەڭگەگە 353 جۇمىس ورنى قۇرىلعان. قالعان 9 جوبا ءوتىنىش بەرۋشىلەردىڭ تەحنيكالىق سۇراقتارىنا بايلانىستى، وسى  جىلى ىسكە قوسىلماق. 9 جوبا بويىنشا بارلىق جۇمىستار 70% - دان استامعا اياقتالعان.

2019 جىلدىڭ مامىر ايىندا «Sembol Construction and Engineering» كومپانياسىنىڭ تۇرىك ينۆەستورلارى ىسكە اسىراتىن «Aktau Resort Hotel» كوپفۋنكتسيونالدى تۋريستىك-قوناق ءۇي كەشەنىنىڭ قۇرىلىسى باستالعانى بەلگىلى.

«قۇرىلىستىڭ 1-كەزەگىن 2020 جىلدىڭ 4-توقسانىندا اياقتاۋ جوسپارلانىپ وتىر. تۋريستىك كەشەن 500 ورىنعا ارنالعان قوناق ءۇي كەشەنىنەن، بالالار اكۆاپاركىنەن، فۋتبول الاڭى، كونگرەسس-ورتالىعى، مەيرامحانالار مەن سپا ورتالىق، جاعاجاي كورتى، جاعاجاي كلۋبى، جەكە ۆيللالار، گولف-ايماق، پاركتىك ايماق، تەڭىز ايلاعى مەن دەمالىس ايماعىنان تۇراتىن بولادى. تۋريستىك قوناق ءۇي كەشەنىنە جۇمىسقا ورنالاستىرۋمەن كادرلاردى دايارلاۋ جۇمىستارى جۇرگىزىلۋدە»، دەدى ن.قيلىباي.

مامىر ايىنا دەيىن 1200 ادامدى وقىتۋ جوسپارلانعان. ونىڭ ىشىندە قازىرگى ۋاقىتتا 800-دەن استام ادام وقۋدى اياقتاپ، انتاليا مەن دۋبايدىڭ تۋريستىك قالالارىندا 100-دەن استام ادام تاجىريبەدەن وتپەك.

ماڭعىستاۋ وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار