«باتىس» وڭىرلىك قولباسشىلىعىنىڭ قۇرامالارى مەن اسكەري بولىمدەرىنىڭ رادياتسيالىق, حيميالىق جانە بيولوگيالىق قورعاۋ ماماندارى رحب بارلاۋ, قارۋ-جاراق پەن اسكەري تەحنيكانى ارنايى وڭدەۋ, اەروزولدى بۇركەمەلەۋ مىندەتتەرىن ورىنداۋ بويىنشا تاجىريبەلىك داعدىلاردى جەتىلدىردى.
-دالالىق شىعۋدىڭ نەگىزگى ماقساتى جەكە قۇرامنىڭ رادياتسيالىق, حيميالىق جانە بيولوگيالىق قورعاۋ بولىمشەلەردى ۇزدىكسىز باسقارۋ بويىنشا مىندەتتەردى ۇيىمداستىرۋ مەن ورىنداۋدا داعدىلارىن, ىسكەرلىكتەرىن جەتىلدىرۋ بولىپ تابىلادى. زاقىمادانعان جەر ۋچاسكەسى انىقتالعان جاعدايدا جەكە قۇرام ونى زارارسىزداندىرۋ, سونداي-اق جەكە قۇرامدى, قارۋ-جاراق پەن اسكەري تەحنيكانى ارنايى وڭدەۋ بويىنشا ءىس-شارالاردى جۇزەگە اسىردى, دەپ اتاپ ءوتتى «باتىس» وڭىرلىك قولباسشىلىعىنىڭ رادياتسيالىق, حيميالىق جانە بيولوگيالىق قورعاۋ اسكەرلەرىنىڭ باستىعى مايور الماس نەسىپقاليەۆ.
سونىمەن قاتار ارس-14 اۆتوقۇيۋ ستانتسياسىن ورىستەتۋ بويىنشا نورماتيۆتەر پىسىقتالىپ, مك-ات دوزيمەتر-راديومەترلەرى جانە AP4C جاۋىنگەرلىك ۋلاندىرعىش زاتتار مەن ۋلى زاتتاردى انىقتاۋ دەتەكتورى قولدانىلدى. ساباق بارىسىندا اسكەري قىزمەتشىلەر قورعانىس كيىمدەرىن پايدالاندى.
رادياتسيالىق, حيميالىق جانە بيولوگيالىق قورعانىس اسكەرلەردى جاۋىنگەرلىك (جەدەل) قامتاماسىز ەتۋ تۇرلەرىنىڭ ءبىرى بولىپ تابىلادى. ول اسكەرلەردىڭ شىعىندارىن بارىنشا ازايتۋعا باعىتتالعان راديواكتيۆتى, حيميالىق جانە بيولوگيالىق جۇقتىرۋ جاعدايىندا قويىلعان مىندەتتەردى ورىنداۋدى قامتاماسىز ەتۋگە, سونداي-اق ولاردى جوعارى دالدىكتەگى جانە باسقا دا قارۋ تۇرلەرىنەن قورعاۋدى ارتتىرۋعا باعىتتالعان ۇيىمداستىرۋ جانە تاجىريبەلىك ءىس- شارالار كەشەنىن قامتيدى.
ماڭعىستاۋ وبلىسى
