2019 جىلدىڭ باسىنان باستاپ «2019 جىلعا ارنالعان جەرگىلىكتى بيۋدجەتتى اتقارۋ تيىمدىلىگىن ارتتىرۋ» ءىس-شارالار جوسپارى جاساقتالدى جانە جوسپارعا سايكەس جۇمىس جاساۋ ءۇشىن جۇمىس توبى (شتاب) قۇرىلدى. كەشەندى ءىس-شارالار جوسپارىنا سايكەس ءار سالا بويىنشا بيۋدجەتكە قاراجات ءوندىرۋ ماقساتىندا مەملەكەتتىك ورگاندار جۇمىلدىرىلدى, دەپ حابارلادى ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى ءباسپاسوز قىزمەتى.
سونداي شارالاردىڭ ءبىرى, «ماڭعىستاۋ وبلىسىندا 2017-2018 جىلدارى قۇرىلىس جۇمىستارىن جۇرگىزگەن قۇرىلىس وبەكتىلەرى بويىنشا قورشاعان ورتاعا ەميسسيالارعا رۇقسات الۋ مەن تولەمدەر جۇرگىزۋ تۋرالى» تۇپقاراعان, ماڭعىستاۋ, مۇنايلى, قاراقيا اۋداندارىنا جانە جاڭاوزەن, اقتاۋ قالالارى بويىنشا قۇرىلىس مەكەمەلەرىنە ءتۇسىندىرۋ جۇمىستارى جۇرگىزىلىپ, بارلىعى 175 مەكەمە قاتىستى.
جينالىس بارىسىندا, ەكولوگيالىق زاڭنامالار مەن نورماتيۆتىك-قۇقىقتىق اكتىلەر شەڭبەرىندە قورشاعان ورتا ەميسسيالارى تۋرالى تولىقتاي اقپارات بەرىلدى, ەميسسيالارعا رۇقسات الۋ مەملەكەتتىك قىزمەتىن جىبەرۋدىڭ ادىستەمەلىك نۇسقاۋلىقتار تاراتىلىپ, كەڭەيتىلگەن ءتۇسىندىرۋ جۇمىستارى جۇرگىزىلدى. 2019 جىلعا ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى, ماڭعىستاۋ وبلىسى بويىنشا ەكولوگيا دەپارتامەنتى جانە ءبىزدىڭ باسقارمامەن بىرلەسكەن ءۇش جاقتى جوسپار جاساقتالعان.
2019 جىلى قورشاعان ورتاعا ەميسسيالارعا رۇقساتسىز جۇمىسىن جۇرگىزگەن قۇرىلىس وبەكتىلەرىنەن بيۋدجەتكە 1 ملن تەڭگە كولەمىندە قاراجات ءوندىرىلدى. قورشاعان ورتا ەميسسيالارىنا قاتىستى «دوڭگەلەك ۇستەل», جينالىستار, سەمينارلار, تابيعات پايدالانۋشىلارعا ساۋالناما جۇرگىزۋ تۇرىندە 12 ءىس-شارا وتكىزىلىپ, بارلىعى – 500 ادام قاتىستى.
شتابتىڭ قۇرامىندا بىرلەسىپ جۇمىس جاساۋ ءۇشىن ءاربىر مەملەكەتتىك ورگانداردان جاۋاپتى تۇلعا بەكىتىلىپ, جۇمىس توبى قۇرىلدى. سالىستىرۋ جۇمىستارىنىڭ ناتيجەسىندە انىقتالعان اۋىتقۋشىلىقتار بويىنشا, ماڭعىستاۋ وبلىسى بويىنشا ەكولوگيا دەپارتامەنتى مەن ماڭعىستاۋ وبلىسىنىڭ مەملەكەتتىك كىرىستەر دەپارتامەنتىمەن بىرلەسىپ, بيۋدجەتكە قوسىمشا تولەمدەر ءوندىرىلدى.
