ايماقتار • 06 ناۋرىز، 2020

ماڭعىستاۋ ونەرپازدارى قىز-كەلىنشەكتەر مەرەكەسىنە ارناپ كونتسەرت وتكىزدى

53 رەتكورسەتىلدى

اقتاۋدا مۇرات وسكىنباەۆ اتىنداعى  ماڭعىستاۋ وبلىستىق فيلارمونيا ۇجىمى 8 ناۋرىز حالىقارالىق قىز-كەلىنشەكتەر كۇنىنە وراي «اقشاعالا» توبىنىڭ كونتسەرتىن ۇيىمداستىردى. انشىلەر جاندى داۋىستا ءان شىرقاعان كونتسەرتكە وڭىردەگى بىرنەشە ۇيىمنىڭ  وكىلدەرى جينالىپ، ۇجىمداعى ارۋلارعا ارنالعان مۋزىكالىق قۇتتىقتاۋدى قابىل الدى.

العاشقى مۋزىكالىق قۇتتىقتاۋ مادەنيەت سالاسىندا كوپتەگەن جىلدار قىزمەت جاساپ، ولكەنىڭ رۋحاني دامۋىنا وزىندىك ۇلەستەرىن قوسقان ارداگەر اپالارعا اعايىندى بەلگىلى انشىلەر اسقار، ءاسانالى كوشەروۆتەر الەكساندر زاتسەپيننىڭ «ماما»  ءانىن ورىنداپ بەردى.

سونىمەن قاتار كونتسەرتتە كەزەك-كەزەگىمەن ماڭعىستاۋ وبلىستىق مادەنيەت باسقارماسى، ماڭعىستاۋ وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى، اقتاۋ قالاسى اكىمشىلىگىندەگى قىز-كەلىنشەكتەر، نۇرمۇحان ءجانتورين اتىنداعى وبلىستىق مۋزىكالىق دراما تەاترى، وبلىستىق قۋىرشاق تەاترى، ءارتۇرلى سالالاردا قىزمەت جاساپ، وزدەرىنىڭ ەڭبەگىمەن كورىنىپ جۇرگەن ايەلدەر، ءبىلىم جانە يننوۆاتسيا ليتسەيى، ونەر كوللەدجى جانە مۋزىكالىق مەكتەپ ارۋلارى، ماڭعىستاۋ وبلىستىق ولكەتانۋ مۇراجايى، ماڭعىستاۋ وبلىستىق مەملەكەتتىك تاريحي-مادەني قورىعى مەن وتپان مەملەكەتتىك كوممۋنالدىق قازىنالىق كاسىپورىننىڭ قىزدارى، وبلىستىق عىلىمي ادىستەمەلىك ورتالىعى مەن وبلىستىق كىتاپحانا، «اباي» مادەني-دەمالىس كەشەنى ارۋلارى، وبلىستىق اۋرۋحانا مەن  وبلىستىق ەمحانانىڭ قىز-كەلىنشەكتەرى، سونداي-اق بۇقارالىق اقپارات قۇرالدارى سالاسىندا جۇرگەن قىزدار ءۇشىن ارنايى مۋزىكالىق قۇتتىقتاۋ ارنالدى.

ماڭعىستاۋ وبلىسى

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار