«وزەنمۇنايگاز» اق ساتىپ الۋلارىنا كاسىپكەرلىك سۋبەكتىلەرىن تارتۋ جانە وقشاۋلاۋ ارقىلى جاڭاوزەن قالاسىندا جۇمىسپەن قامتۋ بويىنشا وڭىرلىك بىرلەسكەن جۇمىس توبى قۇرىلدى. جۇمىس توبىنىڭ باسشىسى بولىپ - وبلىس اكىمىنىڭ ءبىرىنشى ورىنباسارى جانە حاتشىسى كاسىپكەرلەر پالاتاسىنىڭ باسشىسى تاعايىندالدى.
وسى ۋاقىتقا دەيىن, اتالعان جۇمىس توبىنىڭ 5 وتىرىسى ءوتىپ, جوبالاردى جۇزەگە اسىرۋداعى ماسەلەلەر بويىنشا سۇراقتار قاراستىرىلدى.
شارا سوڭىندا جاڭاوزەن قالاسىنىڭ اكىمدىگى, «وزەنمۇنايگاز» اكتسيونەرلىك قوعامى جانە ماڭعىستاۋ وبلىسىنىڭ كاسىپكەرلەر پالاتاسىمەن ۇشجاقتى مەموراندۋمعا قول قويىلدى.
اتالعان مەموراندۋم اياسىندا «وزەنمۇنايگاز» كومپانياسى ساتىپ الۋدى جۇزەگە اسىرۋ ءتارتىبىن ساقتاي وتىرىپ, جۇمىس ورىندارىن قۇرۋ جونىندەگى ماسەلەنىڭ الەۋمەتتىك ماڭىزدىلىعىن ەسكەرىپ, «سامۇرىق-قازىنا «ۇاق» اق-نىڭ ساتىپ الۋ ستاندارتى جوباسىن ىسكە اسىرۋ ءۇشىن جاعداي جاساۋعا مىندەتتى.
