كەڭەستىڭ ءىرى شاراسى ماڭعىستاۋ اۋدانىنىڭ بەلسەندى ايەلدەرىمەن كەلىندەر شەرۋىن ۇيىمداستىرۋمەن باستالدى. «مەن-ايەلمىن, الەمنىڭ اناسىمىن!» تاقىرىبىندا وتكەن شاراعا 300-دەن استام نازىك جاندىلار قاتىسىپ, ۇلتتىق ونەردى دارىپتەدى. ۇلتتىق مەرەكە قارساڭىندا «ناۋرىز دۋمان» فەستيۆالىن وتكىزىلدى. 500 ادام قاتىسقان شارادا بابالار ءداستۇرى مەن ۇلتتىق قۇندىلىقتار ناسيحاتتالدى. ىاك-ءنىڭ جاستار قاناتى قۇرىلىپ, وعان 8 ادام مۇشە بولدى. ماڭىزدى شارالار لەگىن ۇيىمداستىرۋ مۇنىمەن تولاستاعان جوق. 52 اۋىلدىڭ ايەل كاسىپكەرلەرى كەلگەن 2 كۇندىك ترەنينگ ءوتتى. جاڭاوزەندە انالار ءسليوتىنىڭ جوعارى دەڭگەيدە ءوتۋى دە ىاك-ءنىڭ مۇرىندىق بولۋىمەن ەكەنىن ايتاپ ايتقان ءجون.
اقتاۋدا «ماڭعىستاۋ ءسان قۇراق فەستيۆالى» اتتى وبلىستىق ءىس-شارا ء وڭىردىڭ بارلىق اۋداندارى مەن اقتاۋ قالاسىنان 130 شەبەردىڭ قاتىسۋىمەن ءوتتى. گران-پري جانە 1-3 ورىن جەڭىمپازدارى انىقتالىپ, تاعى 10 اتالىم بويىنشا جۇلدە قورى بەلگىلەندى. جەڭىمپازدارعا تىگىن ماشينالارى, قالعاندارىنا باعالى سىيلىقتار تابىس ەتىلدى.
