اكتسيا بارىسىندا ءبىلىم بەرۋ مەكەمەلەرى كاسىپكەرلەرگە قاعاز قالدىقتارىن تاپسىرادى. 2018-2019 جىلدارى تۇرعىن-ءۇي قورىنا قىزمەت كورسەتۋ ۇيىمدارىمەن جانە جەكە كاسىپكەرلەرمەن بىرلەسكەن قايتا پايدالانىلاتىن قالدىقتار فراكتسيالارىن بولەك جيناۋدى جانە كادەگە جاراتۋدى ۇيىمداستىرۋ بويىنشا بىرلەسكەن وتىرىس, «KazWaste» قازاقستاندىق قالدىقتاردى باسقارۋ جونىندەگى قاۋىمداستىعى» زاڭدى تۇلعالار بىرلەستىگىمەن بىرلەسكەن, وبلىستاعى تۇرمىستىق قاتتى قالدىقتاردى جيناۋ, تاسىمالداۋ, قايتا وڭدەۋ جانە كادەگە جاراتۋ اياسىنداعى, كاسىپكەرلەر اراسىندا وندىرۋشىلەردىڭ كەڭەيتىلگەن مىندەتتەمەلەرىن (وپەراتور روپ) ىسكە اسىرۋ سۇراقتارى بويىنشا كەڭەس ءوتتى.
جك «EcoWeste Aktau» 2018-2019 جىلدارى ءجاسوسپىرىم بالالار اراسىندا «قورشاعان ورتانى ساقتايىق!» جازعى اكتسياسىن ۇيىمداستىردى. جەڭىمپاز بالالارعا پلانشەت, سكەيتبورد (سىرعاناق تەبۋگە ارنالعان) جانە ەكوسومكەلەر سىيلادى. ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى اكتسياعا بەلسەندى قاتىسقان بالالارعا ارنايى فۋتبولكا, بەيسبولكالار بەردى جانە العىس حاتتارمەن, ديپلومدارمەن ماراپاتتادى.
