قوعامدا ىسكەر ايەلدەردىڭ ەكپىندى ەڭبەگىنە ەلىمىزدە جۇزەگە اسىرىلىپ جاتقان مەملەكەتتىك باعدارلامالار ىقپال ەتۋدە. وعان دالەل, «بيزنەستىڭ جول كارتاسى 2020» باعدارلاماسىن جۇزەگە اسىرۋ ءۇشىن 240 جۇمىس ورنىمەن 1 500,7 ملن تەڭگە سوماسىنا 53 جوبا جۇزەگە اسىرىلدى. سونداي-اق, «قاراپايىم زاتتار ەكونوميكاسىن» دامىتۋ باعدارلاماسى اياسىندا 1 526,0 ملن تەڭگە سوماسىنا 15 جوبا ماقۇلدانىپ, 187 جۇمىس ورنى اشىلدى. جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» باعدارلاماسى 283 جۇمىس ورنىن قۇرۋمەن جالپى سوماسى 1 082,7 ملن تەڭگەگە 211 شاعىن نەسيە جانە «نۇر كاپيتال» جوباسى شەڭبەرىندە 92 ملن.تەڭگە سوماسىنا 283 جۇمىس ورنىن قۇرۋمەن 49 جوباعا نەسيە بەرىلدى.
- كاسىپكەرلىكتى قولداۋ جونىندەگى نەگىزگى مەملەكەتتىك باعدارلامالاردى ىسكە اسىرۋ ارقىلى كورسەتكىش 22,9% - عا دەيىن ءوستى. ايەلدەر كاسىپكەرلىگىن ودان ءارى تابىستى دامىتۋ ءۇشىن جيناقتالعان تاجىريبەنى ەسكەرە وتىرىپ, ءبىز ۇكىمەتتىك ەمەس سالامەن تىعىز ىنتىماقتاسامىز. بيزنەستى دامىتۋ باعدارلامالارىندا «كوشباسشىلىق ساباقتارى», «جەتىستىك تاريحى» باعدارلاماسىنا كىرەتىن ايەلدەر بيزنەسىن جۇرگىزۋ بويىنشا اقپاراتتىق جانە وقىتۋ سەمينارلارىن, ياعني ءوڭىردىڭ تانىمال كاسىپكەر ايەلدەرىنىڭ قاتىسۋىمەن ينتەراكتيۆتى ساباقتار وتكىزۋگە باسا نازار اۋدارىلدى, - دەيدى مو كاسىپكەرلەر پالاتاسى ىسكەر ايەلدەر كەڭەسىنىڭ ءتورايىمى ساۋلە ساليحوۆا.
كاسىپكەرلىكپەن بەلسەندى اينالىساتىن ايەلدەردىڭ سانى جاعىنان رەسپۋبليكا بويىنشا ماڭعىستاۋ وبلىسى كوش باستاپ تۇر. ماسەلەن, وبلىستا ەكونوميكانىڭ ءتۇرلى سالالارىندا 55 مىڭعا جۋىق كاسىپورىندار مەن ۇيىمدار جۇمىس ىستەيدى, ونىڭ ىشىندە 25 مىڭعا جۋىعىن ايەلدەر باسقارادى. ءار ءتۇرلى سالالاردا 146 مىڭ ايەل جۇمىس ىستەيدى-بۇل جۇمىسپەن قامتىلعان حالىقتىڭ جالپى سانىنىڭ 48 پايىزىن قۇراي دى. بۇگىندە جەكە كاسىبىن اشىپ, دامۋ جولىنا اياق باسۋعا نيەت ەتكەن نازىك جاندىلارعا نەسيە الۋداعى جەڭىلدىكتەر مەن ارنايى گرانتتار قاراستىرىلعان.
