دارىگەرلەر قىزدىڭ ماڭداي سۇيەگىندە باتىق فراگمەنتتىك سىنىقتىڭ بارىن, ماڭدايلىق ۇلەسىنىڭ جارالانعانىن, زاقىندانۋدان ەسەڭگىرەۋدىڭ ءىى-ءىىى دەڭگەيىنىڭ بار ەكەندىگىن,باس ميىنىڭ ىسكەندىگىنە كوز جەتكىزدى.
سونداي-اق, كلونيكو-تونيكالىق قۇرىسۋىنىڭ جايىلعاندىعى بايقالعان. قۋانتارلىعى شەتكى قاناينالىمى بۇزىلماعان. جۇرەگىنىڭ سوعۋى ءبىر قالىپتى.
بالا نەيروحيرۋرگى ەربول كەنجەۆالوۆتىڭ ايتۋىنشا, كەزەكشى رەانيماتولوگ قاراپ بولعان سوڭ سۇيىقتىقپەن (ينفۋزيوننىي) ەمدەۋ, شوققا, باكتەرياعا قارسى جانە كۇردەلى وتا جاساۋ شارالارى قولعا الىنعان.
- ءبىرىنشى سىنىپ وقۋشىسى العاشىندا شۇعىل تۇردە قابىلداۋ بولىمشەسىنە جەتكىزىلگەن بولاتىن. بىزگە كەلگەن كەزدە ونىڭ جاعدايى وتە اۋىر بولاتىن, سەبەبى سول مەزگىلدە ول ەسىن جوعالتقان. باس ميى كومپيۋتەرلىك توموگرافياعا ءتۇسىرىلدى. ماڭداي سۇيەگى سىنعان بولىپ شىقتى. سول بويدا جان ساقتاۋ بولىمشەسىنە جاتقىزىلدى. وتا 1 ساعات 15 مينۋتقا جالعاسقان بولاتىن جانە ناتيجەسى جامان ەمەس. قازىرگى ۋاقىتتا قىز بالانىڭ جاعدايى ورتاشا اۋىر دەۋگە بولادى. ەڭ باستىسى ول ەسىن جوعالتقان جوق, بارلىق سۇراقتارعا تۇشىمدى جاۋاپ قايتارىپ وتىر. وتا جاساۋ كەزىندە قاسىمدا انەستەزيولوگ جانە كومەكشى بولدى, دەيدى ول.
دارىگەرلەردىڭ ايتۋىنشا, كىشكەنتاي قىز بالا قازىر اق حالاتتىلاردىڭ ۇنەمى باقىلاۋىندا. اۋرۋحانادا شامامەن 10 كۇندەي جاتىپ ەمىن الادى, ال جاعدايى جاقسارعان سوڭ ۇيىنە جىبەرىلەدى. قالعان ەم-دوم شارالارىن تۇرعىلىقتى مەكەنجايى بويىنشا ەمحانادا جالعاستىراتىن بولادى.
ماڭعىستاۋ وبلىسى
