Qazaq kuresi قازاقتاردىڭ ەڭ كونە سپورت تۇرلەرىنىڭ ءبىرى. قازىرگى ۋاقىتتا بۇل جەكپە-جەك ءتۇرى بويىنشا الەمنىڭ كوپتەگەن ەلدەرىندە فەدەراتسيالار اشىلىپ, ءتۇرلى جارىستار ۇيىمداستىرىلۋدا. اقتاۋ قالاسىندا وتكەن «باتىس بارىسى» جارىسىنا اقتوبە, اقتاۋ جانە اتىراۋ گارنيزوندارىنىڭ 50-گە جۋىق اسكەري قىزمەتشىلەرى قاتىستى. پالۋاندار ەكى سالماق دارەجەسىندە - 80 كگ-عا دەيىن جانە 80 كگ جوعارى سالماقتا باق سىناستى.
بارلىق بەلدەسۋلەر تەڭ دارەجەدە ءوتتى. پالۋاندار ءتۇرلى ءادىس-ايلا تەحنيكالارىن كورسەتە ءبىلدى. جارىس ناتيجەسى بويىنشا اقتاۋ گارنيزونىنىڭ وكىلى, اعا لەيتەنانت نۇربولات ساۋرباەۆ «باتىس بارىسى» اتاعىنىڭ يەگەرى اتاندى.
كوماندالىق ەسەپتە ءبىرىنشى ورىندى 75488 اسكەري ءبولىمى, ەكىنشى ورىندى – 29011 اسكەري ءبولىمى, ال ءۇشىنشى ورىندى 25744 اسكەري ءبولىمى يەلەندى. بارلىق اسكەري بولىمدەر اقتاۋ قالاسىندا ورنالاسقان.
جىل سايىن اسكەري بولىمدەردە وسى سپورت تۇرىمەن شۇعىلدانۋعا, ونىڭ ىشىندە اسكەري بولىمدەرگە قاراستى اسكەري-پاتريوتتىق ۇيىرمەلەردە اينالىساتىن اسكەري قىزمەتشىلەردىڭ بالالارى ءۇشىن جاقسى جاعدايلار جاسالۋدا. سوندىقتان, كەلەشەكتە جارىستىڭ اۋقىمدىلىعى مەن ساپاسى ارتا تۇسەدى دەگەن ويدامىن, دەيدى «باتىس» وڭىرلىك قولباسشىلىعىنىڭ دەنە شىنىقتىرۋ جانە سپورت قىزمەتىنىڭ باستىعى مايور مەدەت ق ۇلىبەكوۆ.
بيىلعى جارىستارىنىڭ جەڭىمپازدارى اعىمداعى جىلدىڭ 12-14 ناۋرىز ارالىعىندا الماتىدا اوسك وقۋ ورتالىعىندا وتەتىن قارۋلى كۇشتەردىڭ Qazaq kuresi چەمپيوناتىنا قاتىسادى.
ماڭعىستاۋ وبلىسى
