وڭىردەگى ءوڭى وزگە يگىلىكتى ءىستى تاياۋدا كوكشەتاۋ تەحنيكالىق-گۋمانيتارلىق ليتسەي-مەكتەبى قولعا الدى. بالالار اتا-انالارىن قولىنان جەتەكتەپ, ءبىلىم ورداسىنا الىپ كەلدى. وتباسىمەن وتىرىپ وڭدى شاراعا قاتىستى. تياناقتى دايىنداعان, ۇلى ابايعا ارنالعان ۇلاعاتتى كەشتىڭ ۇقتىرارى دا از ەمەس ەدى. تىرشىلىكتىڭ تولقىنىندا كۇنكورىستىڭ قارەكەتىمەن جۇرگەن كوپتەگەن اتا-انالار باۋىر ەتى بالالارىنىڭ باس بولۋىمەن ءبىر ءسات مول مۇراعا كەنەلىپ, ءبىر جاساپ قالدى. الداعى ۋاقىتتا وقۋ ورنىندا وسى مازمۇنداعى جۇمىس ءبىر جىل بويى جۇرگىزىلمەك. ءار كەزدەسۋ وتكىزىلگەن ساتتە كەستەلەنگەن كوركەم دۇنيەنىڭ شەتىن تارقاتىپ, ۇلى حاكىمنىڭ ۇلاعاتىن كەزەڭ-كەزەڭىمەن كوكىرەكتەرىنە قاتتاپ جيناماق.
وسى جولى «اباي جولى» رومانى جەلىسىمەن قويىلعان ساحنالىق كورىنىس كونە دۇنيەنىڭ كوز الدىڭا اكەلىپ, ۇلتتىق رۋحاني قۇندىلىقتاردى تىڭدارماننىڭ سۇيەگىنە ءسىڭىردى.
–اقىن تەك قازاق ادەبيەتىنە عانا ەمەس, الەمدىك ادەبيەتتكە دە قوسقان ۇلەسى وراسان. مىنە, ءبىز وسىعان كوپ باسىمدىق بەرىپ وتىرمىز. جاسىراتىنى جوق, كەيبىر اتا-انالاردىڭ وزدەرى اباي شىعارماشىلىعىن تولىق بىلە بەرمەيدى,–دەيدى كوكشەتاۋ گۋمانيتارلىق-تەحنيكالىق مەكتەپ-ليتسەيىنىڭ ديرەكتورى ناتاليا دەمەنتەۆا.
«ساباقتى ينە ساتىمەن» دەگەندەي, بالالارىنىڭ بازىناسى ارقىلى باستى بايلىققا كەنەلىپ جاتقان اتا-انالاردىڭ دا ريزاشىلىعى مول.
كوكشەتاۋ قالاسى.
