بۇل مىندەتتەر سارسەن امانجولوۆ اتىنداعى شىعىس قازاقستان ۋنيۆەرسيتەتى ءۇشىن دە اسا وزەكتى.
ايماقتىق جوعارى وقۋ ورنى رەتىندە ءبىز ءوڭىردىڭ الەۋمەتتىك-ەكونوميكالىق دامۋىنا تىكەلەي ىقپال ەتەتىن كادرلاردى دايارلاۋدى باستى باسىمدىق رەتىندە قاراستىرعان.
ۋنيۆەرسيتەتتە ءبىلىم بەرۋ باعدارلامالارىن جاڭعىرتۋ, دۋالدى وقىتۋ جۇيەسىن دامىتۋ, جۇمىس بەرۋشىلەرمەن تىعىز ارىپتەستىك ورناتۋ باعىتىندا جۇيەلى جۇمىستار جۇرگىزىلىپ جاتىر. اتاپ ايتساق, سەگىز جىلدا ستۋدەنتتەردىڭ سانى 4000-نان 10 000-عا دەيىن ءوستى. بۇل ايماقتىق ءبىلىمنىڭ سوڭعى جىلدارى قارقىندى دامىپ كەلە جاتقانىنىڭ بەلگىسى.
س.سەيفۋللين اتىنداعى ۋنيۆەرسيتەت العاش رەت QS WUR by Subject 2026 رەيتينگىنە ەندى
عىلىم سالاسىنا قاتىستى پرەزيدەنتتىڭ تاپسىرمالارى دا ۋنيۆەرسيتەت قاۋىمداستىعى ءۇشىن ماڭىزدى. عىلىمي زەرتتەۋلەردىڭ پراكتيكالىق تيىمدىلىگىن ارتتىرۋ, جاس عالىمداردى قولداۋ, قولدانبالى عىلىمدى دامىتۋ – بۇگىنگى كۇننىڭ باستى تالابى. بۇل رەتتە گرانتتىق قارجىلاندىرۋ تەتىكتەرىن جەتىلدىرۋ, زەرتتەۋ ينفراقۇرىلىمىن نىعايتۋ جانە حالىقارالىق عىلىمي ىنتىماقتاستىقتى كەڭەيتۋ ەرەكشە مانگە يە.
«شىعىس قازاقستان ءوڭىرىنىڭ ەرەكشەلىگىن ەسكەرە وتىرىپ, ۋنيۆەرسيتەت بازاسىندا ەكولوگيا, وڭدەۋ ونەركاسىبى, تسيفرلىق تەحنولوگيالار, پەداگوگيكا جانە مەديتسينا سالالارى بويىنشا عىلىمي جوبالار ىسكە اسىرىلىپ جاتىر. بۇل جوبالار ايماقتىڭ ناقتى ماسەلەلەرىن شەشۋگە باعىتتالىپ, عىلىمنىڭ قوعامعا قىزمەت ەتۋ قاعيداتىن جۇزەگە اسىرۋعا مۇمكىندىك بەرەدى. ماسەلەن, ۋنيۆەرسيتەت عالىمدارى سۋ ساپاسىن جاقسارتۋعا باعىتتالعان ماڭىزدى عىلىمي جوبانى ءساتتى جۇزەگە اسىردى. بۇگىندە 3 ساتىلى سۋ تازارتۋ ءفيلترىن ءوندىرۋ تەحنولوگياسىن كوممەرتسيالاندىرۋ جۇمىستارى جۇرگىزىلىپ جاتىر. پرەزيدەنت اتاپ وتكەن «ناقتى ناتيجە» ۇعىمى ءدال وسىنداي عىلىمي-ءبىلىم بەرۋ باستامالارىمەن تىكەلەي بايلانىستى», دەيدى سارسەن امانجولوۆ اتىنداعى شىعىس قازاقستان ۋنيۆەرسيتەتىنىڭ باسقارما توراعاسى-رەكتورى مۇحتار تولەگەن.
سونىمەن قاتار, كەڭەيتىلگەن وتىرىستا تسيفرلاندىرۋ مەن باسقارۋ تيىمدىلىگى ماسەلەلەرى دە قوزعالدى. ۋنيۆەرسيتەتتە بۇل باعىتتا دا ناقتى قادامدار جاسالىپ, زاماناۋي ءبىلىم بەرۋ ەكوجۇيەسىن قالىپتاستىرۋ جولعا قويىلدى.
