وسى اۋقىمدى جۇمىس اياسىندا قالالىق ينفراقۇرىلىمنىڭ ءارتۇرلى نىساندارى تازالانىپ, جۋىلادى. اتاپ ايتقاندا, قورشاۋلار, ايالدامالار, جارىق باعانالارى, جول بەلگىلەرى, جولدار, تروتۋارلار تولىق تازارتىلادى. سونىمەن قاتار, اۋلا, سكۆەرلەر, ساياباقتار جانە باسقا دا قوعامدىق ورىنداردا جوندەۋ-قالپىنا كەلتىرۋ جۇمىستارى جۇرگىزىلەدى.
قالانىڭ بارلىق اۋدانىندا سانيتارلىق تازالاۋ جۇمىسى بەلسەندى ءجۇرىپ جاتىر. نۇرا اۋدانىندا جەرگىلىكتى اۋماقتاردى تازالاۋ جانە رەتكە كەلتىرۋ بويىنشا جۇيەلى جۇمىس جۇرۋدە. جولدار جۋىلىپ, تروتۋارلار, كوپىرلەر, ايالدامالار جانە قالالىق ينفراقۇرىلىمنىڭ باسقا ەلەمەنتتەرى تازالانىپ جاتىر.
بايقوڭىر اۋدانىندا سانيتارلىق تازالاۋمەن قاتار اۋلا, سكۆەر جانە ساياباقتاردا جوندەۋ-قالپىنا كەلتىرۋ جۇمىسى باستالدى. بالالار مەن سپورت الاڭدارى, قوقىس كونتەينەرلەرى ورنالاسقان ورىندار رەتتەلىپ, اباتتاندىرۋ ەلەمەنتتەرى قالپىنا كەلتىرىلىپ جاتىر.
الماتى اۋدانىندا جۇمىستار كۇشەيتىلگەن رەجيمدە ءجۇرىپ جاتىر, كۇندەلىكتى جۇمىسقا شامامەن 300 جول جۇمىسشىسى مەن 250-دەن استام ارنايى تەحنيكا جۇمىلدىرىلعان. جولداردى جانە ينفراقۇرىلىمدى جۋمەن قاتار, جاسىل جەلەكتەرگە كۇتىم كورسەتىلىپ, ايالدامالار تازارتىلىپ, انشلاگتار مەن قورشاۋلاردىڭ ەلەمەنتتەرىن قالپىنا كەلتىرۋ جۇمىسى ءجۇرىپ جاتىر.
ەسىل اۋدانىندا دا كوكتەمگى جوندەۋ-قالپىنا كەلتىرۋ جۇمىسى باستالدى. تاس توسەمەلەر قالپىنا كەلتىرىلىپ, د.قوناەۆ كوشەسىندەگى تىرەۋ قابىرعاسىنىڭ ۇستىڭگى تاقتالارى جوندەلۋدە. كۇندەلىكتى قالالىق ينفراقۇرىلىمنىڭ كەشەندى جۋ جۇمىسى جۇرگىزىلىپ جاتىر. بۇل جۇمىسقا 500-دەن استام جول جۇمىسشىسى مەن 200-دەن استام تەحنيكا جۇمىلدىرىلعان.
سارىارقا اۋدانىندا دا اۋقىمدى سانيتارلىق تازالاۋ جۇرگىزىلىپ جاتىر. جۇمىستار جول جابىندىسىن, جەراستى وتكەلدەرىن, اۋلا اۋماقتارىن جانە كوشە جيھازدارىن قامتيدى. سونىمەن قاتار, ايالدامالار تازالانىپ, اباتتاندىرۋ ەلەمەنتتەرى جوندەلىپ جاتىر. سانيتارلىق تازالاۋعا 735-تەن استام تەحنيكا جانە 253 جول جۇمىسشىسى جۇمىلدىرىلعان.
سارايشىق اۋدانىندا 200-دەن استام ارنايى تەحنيكا مەن 400 جول جۇمىسشىسى تارتىلعان. قار شىعارۋ, قۇم-توپىراق پەن ءىرى قوقىستاردان تازارتۋ, جول جيەگىن جيناۋ, تروتۋارلار مەن كوپىرلەردى جۋ جۇمىسى جۇرگىزىلىپ جاتىر.
قازىر قالانىڭ بارلىق التى اۋدانىندا سانيتارلىق تازالاۋ جۇمىسى جۇرگىزىلۋدە. تروتۋارلار مەن جول جابىندارى ارنايى تەحنيكانىڭ كومەگىمەن تازالانىپ, كوگالدى تۇستار جانە باسقا جەرلەر رەتكە كەلتىرىلىپ جاتىر.
قوناەۆتا كارىز-تازارتۋ جۇيەسىنىڭ قۇرىلىسىنا قانشا قارجى جۇمسالادى؟
