فوتو: Polisia.kz
الدىن الا مالىمەتتەرگە سايكەس, سامارا – شىمكەنت رەسپۋبليكالىق اۆتوجولىمەن كەلە جاتقان مارشرۋتتىق اۆتوبۋس مەكتەپ اۆتوبۋسىمەن سوقتىعىسقان. سوققى سالدارىنان مەكتەپ اۆتوبۋسى ينەرتسيامەن الدىندا تۇرعان اۆتوكولىككە بارىپ سوعىلعان.
«جول-كولىك وقيعاسى سالدارىنان زارداپ شەككەندەر تىركەلدى, ولاردىڭ ىشىندە بالالار دا بار. قازا بولعاندار جوق. بارلىعىنا مەديتسينالىق كومەك كورسەتىلدى», دەلىنگەن حابارلامادا.
اتالعان دەرەك بويىنشا قىلمىستىق ءىس قوزعالدى. مارشرۋتتىق اۆتوبۋستىڭ جۇرگىزۋشىسى ۋاقىتشا ۇستاۋ يزولياتورىنا قامالدى.
قازىرگى ۋاقىتتا وقيعا ورنىندا پوليتسيا قىزمەتكەرلەرى جۇمىس ىستەپ, اپاتتىڭ بارلىق ءمان-جايىن انىقتاپ جاتىر. ءتارتىپ ساقشىلارى ءاربىر قاتىسۋشىنىڭ ارەكەتىنە ءتيىستى قۇقىقتىق باعا بەرىلەتىنىن مالىمدەدى.
