21 جاس سارباز ۇقك شەكارا قىزمەتى شىعىس قازاقستان وبلىسى بويىنشا دەپارتامەنتىنە جول تارتتى.
شاراعا قالا اكىمدىگىنىڭ وكىلدەرى, ۇقك شەكارا قىزمەتىنىڭ باسشىلىعى, اسكەري قىزمەتشىلەر, ارداگەرلەر, وفيتسەرلەر, «جاس شەكاراشى» قوزعالىسىنىڭ تاربيەلەنۋشىلەرى, مەكتەپ وقۋشىلارى, اسكەري كافەدرالاردىڭ ستۋدەنتتەرى, اسكەرگە شاقىرىلۋشىلار جانە ولاردىڭ اتا-انالارى قاتىستى.
ءىس-شارا اياسىندا زاماناۋي اسكەري كيىم ۇلگىلەرى, مەملەكەتتىك شەكارانى قورعاۋدا قولدانىلاتىن تەحنيكالىق جانە بايلانىس قۇرالدارى, ارنايى بولىمشەلەردىڭ قارۋ-جاراقتارى كورسەتىلدى. سونىمەن قاتار قىزمەتتىك يتتەردىڭ ەسىرتكى زاتتارىن انىقتاۋ بويىنشا كورسەتىلىمى ۇيىمداستىرىلدى.
«وتان الدىنداعى بورىشىمدى ادال اتقارۋعا دايىنمىن. شەكارادا قىزمەت ەتۋ – مەن ءۇشىن ۇلكەن جاۋاپكەرشىلىك ءارى ماقتانىش», دەدى اسكەرگە شاقىرىلۋشى كوبەس ءدىنيسلام ەربول ۇلى.
«جاس سارباز» ءانشىسى جاھاندى مويىنداتتى
جاس تولىم ساربازدارىنا ۇقك شەكارا قىزمەتى ديرەكتورىنىڭ ورىنباسارى گەنەرال-مايور تولەۋجان ءجۇنىسوۆ, اعا ۇرپاقتىڭ وكىلدەرى, اسكەري قاقتىعىستار ارداگەرلەرى اق تىلەكتەرىن ايتتى.
اتالار مەن اجەلەردەن قۇرالعان «ەسىل تولقىندارى» ءانسامبلى ءان شاشۋىن سىيعا تارتىپ, بولاشاق قىزمەتتەرىنە ساتىلىك تىلەپ باتالارىن بەردى.
شەكارا قىزمەتىنىڭ ساربازدارى ۇيلەرىنە ورالا باستادى
باعدارلاما كونتسەرتتىك قويىلىمدارمەن جانە قولما-قول ۇرىس تاسىلدەرىنىڭ كورسەتىلىمىمەن جالعاستى.
ءىس-شارا جوعارى دەڭگەيدە ءوتىپ, وقۋشىلار مەن جاستاردىڭ جۇرەكتەرىندە وتانسۇيگىشتىك قاسيەتىن وياتىپ, اسكەري قىزمەتتىڭ ماڭىزىن ايقىنداي ءتۇستى.
