دۋبايداعى وپەرا تەاترىندا وتكەن كەشتە سابۋروۆ قۇجات ماسەلەسىن نەگىزىنەن سالىقتىق جەڭىلدىكتەر ءۇشىن شەشپەك بولعانىن ءتۇسىندىردى.
«رەسەيدىڭ كوشى-قون ساياساتىن قولدايمىن. قۇجاتتار الۋ ءۇشىن ورىس تىلىنەن تەست تاپسىرۋ كەرەك بولدى. ايەلىم ەكەۋمىز ءبىر پارتادا وتىردىق. سۇراقتار قيىن ەكەن, ماسەلەن, ء«رۋستىڭ شوقىنۋى قاشان بولدى؟» دەگەن سياقتى. قورىتىندىسىندا ايەلىم ءوتتى, مەن وتپەدىم», دەپ ازىلدەدى ول.
سابۋروۆتىڭ رەسەيگە كىرۋىنە تىيىم سالىنۋىنا ونىڭ اسكەري ءىس-قيمىلدارعا قاتىستى ۇستانىمى مەن كوشى-قون زاڭناماسىن بۇزۋى سەبەپ بولۋى مۇمكىن دەگەن بولجامدار بار.
ازىلكەش نۇرلان سابۋروۆقا رەسەيگە 50 جىلعا كىرۋگە تىيىم سالىندى
ءساۋىر ايىندا كوميكتىڭ قىتايداعى كونتسەرتتەرى وتپەي قالسا, مولدوۆا بيلىگى سابۋروۆتىڭ ەل اۋماعىندا ونەر كورسەتۋىن «ورىنسىز» دەپ تاپتى.
بۇعان دەيىن تانىمال ازىلكەشكە ستەپنوگورسك اكىمى بولۋ تۋرالى ۇسىنىس تۇسكەنىن جازعان ەدىك.
ەسكە سالا كەتەيىك, ىشكى ىستەر ورگاندارى سابۋروۆقا قاتىستى قىلمىستىق ءىس قوزعالماعانىن, بىراق ۇلتتىق قاۋىپسىزدىك كوميتەتى تەكسەرۋ جۇرگىزىپ جاتقانىن حابارلادى.
