«استانا ارەنا» ستاديونىندا وتكەن ءتۋرنيردىڭ سوڭعى ويىنىندا قازاقستان قۇراماسى 1:0 ەسەبىمەن جەڭىسكە جەتتى. جەڭىستى گولدى ءتورتىنشى مينۋتتا جارتىلاي قورعاۋشى رامازان ورازوۆ سوقتى. ول قاقپاعا جاقىن قاشىقتىقتان دوپتى شتانگادان قايتىپ كەلگەننەن كەيىن سوققان.
وسىلايشا قازاقستان قۇراماسى تۋرنيردە بارلىعى التى ۇپاي جيناپ, جەڭىمپاز اتاندى. بۇعان دەيىن كوماندا ناميبيانى 2:0 ەسەبىمەن جەڭگەن. كۋۆەيت كومانداسى تاياۋ شىعىستاعى اسكەري ارەكەتتەرگە بايلانىستى جارىسقا قاتىسا المادى.
FIFA Series-2026: تالعات بايسۋفينوۆ قازاقستان قۇراماسىنىڭ كەڭەيتىلگەن ءتىزىمىن جاريالادى
ناميبيا ەكىنشى ورىنعا جايعاسىپ, كومور ارالدارىن سەرياداعى پەنالتي ارقىلى جەڭگەننەن كەيىن ەكى ۇپاي جينادى, ال كومور ارالدارى ءبىر ۇپايمەن تۋرنير كەستەسىن سوڭعى بولىپ قورىتىندىلادى. تۋرنير الدىندا FIFA رەيتينگىندە قازاقستان 114-ورىندا, ناميبيا 118-ورىندا, كومور ارالدارى 107-ورىندا تۇرعان.
داستان ساتپاەۆ الەمنىڭ ۇزدىك 50 جاس فۋتبولشىسىنىڭ قاتارىنا ەندى
ناۋرىز ايىندا FIFA Series تۋرنيرىندە قازاقستان قۇراماسىنان بولەك, وزبەكستان جانە ءازىربايجان قۇرامالارى دا جەڭىسكە جەتكەن بولاتىن.
