2014 جىلدىڭ قازان ايىندا ك.ەسىمدى ازاماتشا ا.ەسىمدى تۋىسىنىڭ ۇيىندە وتىرىپ, سەنىمگە قيانات جاساۋ ماقساتىندا اڭگىمە بارىسىندا 2014 جىلى قازاقستان رەسپۋبليكاسىنىڭ قك-ءنىڭ 24-بابى 3-بولىگىنە جانە 96-بابى 2-بولىگىنە سايكەس 10 جىل باس بوستاندىعىنان ايىرىلعان م.ەسىمدى سوتتالۋشىنىڭ وتەۋ مەرزىمى ازايتۋعا بايلانىستى ماسەلەنىڭ شەشۋىندە ءوز مۇمكىندىگى بارىنا ا.ەسىمدى ازاماتشانى سەندىرەدى.
ءوز كەزەگىندە جابىرلەنۋشى ا., سەنىمدى قارىم-قاتىناسقا سۇيەنە وتىرىپ, سونداي-اق, ك. نۇر-سۇلتان قالاسىنىڭ پروكۋراتۋراسىنىڭ قىزمەتكەرى ەكەنىن بىلە تۇرا, سول كۇنى ءوزىنىڭ س.ەسىمدى قۇربىسىنا كەيىن ا.مەن ك. اراسىندا تەلەفون ارقىلى كەلىسىلگەن اقشالاي سىياقىعا ۇلىنىڭ جازا وتەۋ مەرزىمىن قىسقارتۋعا بايلانىستى ماسەلەنىڭ شەشىلۋىنە ك.ەسىمدى تۋىسى ارقىلى مۇمكىندىك بارىن حابارلايدى.
13 قازان 2014 جىلى ك. نۇر-سۇلتان قالاسىندا بولعان كەزدە قاساقانا پايداقورلىق نيەتپەن س.-عا بەرگەن ۋادەسىن ورىنداماي, ول ءۇشىن قىزمەتتىك قۇزىرەتى بولماي, الداپ, سەنىمگە كىرىپ, ءوز ويلاعان ءىسىن اياقتاۋ ءۇشىن 3 636 000 تەڭگە كولەمىندە اقشاسىن يەمدەنىپ الدى.
وسىلايشا, كۇدىكتى ك. ءوزىنىڭ قاساقانا قىلمىستىق ارەكەتتەرىمەن قازاقستان رەسپۋبليكاسىنىڭ قك – ءنىڭ 190-بابىنىڭ 3-بولىگىنىڭ 1-تارماعىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن «الاياقتىق», ياعني ءىرى مولشەردە جاسالعان بوتەننىڭ مۇلكىن الداۋ نەمەسە سەنىمگە قيانات جاساۋ جولىمەن ۇرلاعانى ءۇشىن ايىپتالىپ وتىر.
سوتقا دەيىنگى تەرگەۋ اياقتالعاننان كەيىن, وسى قىلمىستىق ءىس ايىپتاۋ اكتىسىمەن بىرگە سوتقا جولداندى, كەيىننەن سوتتا ك.-عا قاتىستى ۇكىم شىعارىلدى.
ماڭعىستاۋ وبلىسى
