قازاقستان • 28 اقپان، 2020

قازاقستاندا العاش رەت كورپوراتيۆتىك الەۋمەتتىك كەلىسىمگە قول قويىلدى

50 رەتكورسەتىلدى

بۇگىن نۇر-سۇلتان قالاسىنداعى كاسىپوداقتار ۇيىندە ەلىمىزدىڭ كاسىپوداقتار فەدەراتسياسى مەن «قاراشىعاناق  پەتروليۋم وپەرەيتينگ ب.ۆ» (قپو) كونسورتسيۋمى اراسىندا ىنتىماقتاستىق جانە ءوزارا ارەكەتتەستىك تۋرالى كورپوراتيۆتىك-الەۋمەتتىك كەلىسىم بەكىتىلدى.

فەدەراتسيانىڭ ءباسپاسوز قىزمەتى حابارلاعانداي، قۇجاتقا  كف توراعاسىنىڭ مىندەتىن اتقارۋشى ساتىبالدى داۋلەتالين مەن «قاراشىعاناق پەتروليۋم وپەرەيتينگ ب.ۆ»  كونسورتسيۋمىنىڭ باس ديرەكتورى ەدۆين بلوم قول قويعان.

قر كاسىپوداقتار فەدەراتسياسىنىڭ باسشىسى اتاپ وتكەندەي، بۇل - تاۋەلسىز قازاقستان تاريحىنداعى تۇڭعىش كورپوراتيۆتىك-الەۋمەتتىك كەلىسىم. قۇجات ءىرى كومپانيا مەن رەسپۋبليكالىق كاسىپوداق بىرلەستىگى اراسىنداعى الەۋمەتتىك ارىپتەستىكتى دامىتۋداعى نەگىزگى قۇجات بولماق.

ء«بىز كورپوراتيۆتىك الەۋمەتتىك جاۋاپكەرشىلىكتى جۇمىسشىلاردىڭ ەڭبەك قۇقىعىن قورعاۋدىڭ تاعى ءبىر قۇرالى دەپ ەسەپتەيمىز. بۇگىن قول قويىلعان كەلىسىم ەلىمىزدەگى الەۋمەتتىك-ەڭبەك قاتىناستارىن دامىتۋدا ايىرىقشا ماڭىزعا يە جانە ءبىز بيزنەستىڭ كورپوراتيۆتىك الەۋمەتتىك جاۋاپكەرشىلىك قاعيداتتارىن جۇزەگە اسىرۋعا دەگەن تالپىنىستارىن ارقاشان قولدايمىز. بۇل كەلىسىم الەۋمەتتىك-ەڭبەك سالاسىنداعى قارىم-قاتىناستاردى نىعايتۋدا، سالالىق كەلىسىمدەر مەن ۇجىمدىق شارتتاردى دامىتۋدا جاڭا مۇمكىندىك بولماق» دەپ اتاپ ءوتتى ساتىبالدى داۋلەتالين. 

سونىمەن قاتار ول وسى كەلىسىمگە قول قويۋعا باستاماشى بولعان قركف بۇرىنعى توراعاسى ەرالى توعجانوۆقا ەرەكشە ريزاشىلىعىن ءبىلدىردى.

ساتىبالدى داۋلەتالين، سونىمەن قاتار، ەدۆين بلومعا كاسىپوداقتار فەدەراتسياسىنىڭ باستاماسىنا قولداۋ بىلدىرگەنى ءۇشىن جانە كورپوراتيۆتىك الەۋمەتتىك جاۋاپكەرشىلىك يدەولوگياسىن دامىتۋعا قوسىپ جاتقان ۇلەسى ءۇشىن العىسىن جەتكىزىپ، قپو-مەن بەكىتىلگەن ۇجىمدىق كەلىسىمنىڭ تيىمدىلىگىن اتاپ ءوتتى.

«وندا ەڭبەكاقىنى يندەكساتسيالاۋ، دەنساۋلىعىنا بايلانىستى ۋاقىتشا ەڭبەككە جارامسىز كەزىندە تولەنەتىن اقىنى كوبەيتىلگەن كولەمدە بەرۋ، كوپبالالى وتباسىلارعا ماتەريالدىق كومەك كورسەتۋ، شيپاجايدا ساۋىقتىرۋدى تولەۋ، جۇمىس بەرۋشىنىڭ قابىلدايتىن جەرگىلىكتى اكتىلەرىن كاسىپوداق ۇيىمدارىمەن قابىلداۋ جانە وزگە دە ماسەلەلەردى كەلىسىپ شەشۋ قاراستىرىلعان. وسىنداي الەۋمەتتىك ارىپتەستەر كوپ بولسا ەكەن. بۇل كەلىسىم باسقا دا ءىرى جۇمىس بەرۋشىلەردى قركف باستاماسىن قولداۋعا جانە جاڭا كورپوراتيۆتىك الەۋمەتتىك كەلىسىمدەرگە قول قويۋعا جانە ءوز جۇمىسشىلارى ءۇشىن بۇرىنعىدان دا لايىقتى جاعداي جاساۋعا ىنتالاندىرادى» دەدى ساتىبالدى داۋلەتالين.

قپو باس ديرەكتورى ەدۆين بلوم ءوز كەزەگىندە كاسىپوداقتار فەدەراتسياسىنا ريزاشىلىعىن ءبىلدىردى.

ء«بىزدىڭ قپو كوپوراتيۆتىك كەلىسىم جاساۋدا العاشقى كومپانيا رەتىندە تاڭدالىپ الىنۋى مەن ءۇشىن ۇلكەن مارتەبە. ءبىزدىڭ كومپانيا ۇزاق جىلدار بويى قپو-نىڭ 4 مىڭ جۇمىسشىسى مەن كومپانيانىڭ مەردىگەرلىك ۇيىمدارىنداعى 15 مىڭ جۇمىسشىنىڭ مۇددەلەرىن قورعايتىن ءۇش كاسىپوداق ۇيىمىمەن بىرگە جۇمىس ىستەپ كەلەدى. قپو مەن اتالعان كاسىپوداق ۇيىمدارى اراسىندا بەكىتىلگەن ۇجىمدىق شارت بيىل قازاقستان بويىنشا ەڭ ۇزدىك شارتتاردىڭ ءبىرى دەپ تانىلعانى كەزدەيسوق ەمەس» دەدى ەدۆين بلوم.

ونىڭ ايتۋىنشا، قپو كادرلاردىڭ اراسىندا قازاقستاندىقتاردىڭ ۇلەسىن كوبەيتۋگە ەرەكشە كوڭىل ءبولىپ وتىر. بۇگىنگى كۇنى كومپانيا وسى باعىتتاعى ءتورتىنشى باعدارلاماسىن جۇزەگە اسىرۋدا. ونىڭ اياسىندا ينجەنەرلىك جانە كاسىبي پوزيتسيالارداعى جەرگىلىكتى كادرلاردىڭ ۇلەسى 69 پايىز، ال باسقارۋشى قۇرامنىڭ ۇلەسى 76 پايىزعا جەتكەن.

قپو قازاقستاندىق جۇمىسشىلاردىڭ كاسىبي بىلىكتىلىگىن ارتتىرۋ ماقساتىندا ارنايى ترەنينگتەر وتكىزىپ تۇرادى. قازىردىڭ وزىندە بۇعان 225 ميلليون اقش دوللارى جۇمسالعان.

«اتالعان كەلىسىمگە قول قويۋ ءبىزدىڭ كومپانيا جۇمىسشىلارىنىڭ الەۋمەتتىك جاعدايىن جاقسارتۋعا ۇلەس قوسادى دەگەن سەنىمدەمىن. بۇل بىزگە ۇجىمدىق كەلىسىمنىڭ كومەگىمەن بيزنەستى ءارى قاراي قالاي جۇرگىزۋ كەرەك دەگەن ماسەلەدە ورتاق كەلىسىمگە كەلۋگە مۇمكىندىك بەرەدى. ءبىز كف جانە ءوزىمىزدىڭ ءۇش كاسىپوداق ۇيىمىمەن الەۋمەتتىك ارىپتەستىكتى ودان ءارى جاقسارتۋداعى جۇمىسىمىزدى جالعاستىرامىز. بۇل جۇمىس  قازاقستاننىڭ بولاشاق ۇرپاعى ءۇشىن تۇراقتى مۇرا قالدىرۋعا باعىتتالعان ورتاق ماقساتقا نەگىزدەلەتىن بولادى» دەپ ءسوزىن قورىتىندىلادى قپو باس ديرەكتورى ەدۆين بلوم.

كورپوراتيۆتىك الەۋمەتتىك كەلىسىم - ءىرى كومپانيا مەن رەسپۋبليكالىق كاسىپوداق بىرلەستىگى اراسىنداعى الەۋمەتتىك ارىپتەستىكتى دامىتۋداعى نەگىزگى قۇجات.

ىنتىماقتاستىق اياسىندا تاراپتار جۇمىسشىلاردىڭ الەۋمەتتىك-ەڭبەك قاتىناستارىن ساقتاۋ مەن قورعاۋ، لايىقتى ەڭبەك جاعدايىن جاساۋ، ەڭبەكتى قورعاۋ، دەنساۋلىق جانە ەكولوگيالىق قاۋىپسىزدىكتى قامتاماسىز ەتۋ سالاسىندا ارەكەتتەستىكتى نىعايتپاق.

ىنتىماقتاستىقتىڭ باسىم باعىتتارىنىڭ قاتارىندا ەڭبەك جانجالدارىنىڭ الدىن الۋ مەن بولدىرماۋ جانە قوعامدا الەۋمەتتىك تۇراقتىلىقتى ساقتاۋ بار.

ەسكە سالا كەتەيىك، كاسىپوداقتار فەدەراتسياسى – 2 ميلليون ادامنىڭ باسىن بىرىكتىرەتىن ەلدەگى ەڭ ءىرى قوعامدىق بىرلەستىك. فەدەراتسيا قۇرامىنا 17 اۋماقتىق جانە 24 سالالىق كاسىپوداق بىرلەستىگى كىرەدى. كف قىزمەتى الەۋمەتتىك ارىپتەستىك نەگىزىندە جۇمىسشىلاردىڭ الەۋمەتتىك-ەڭبەك قۇقىعىن قورعاۋعا باعىتتالعان. بۇگىنگى كۇنى ەلىمىزدە 120 مىڭ ۇجىمدىق شارت جاسالعان. بۇل جۇمىس ىستەپ تۇرعان كاسىپورىنداردىڭ 45 پايىزىن قامتيدى. اتالعان كاسىپورىنداردىڭ 98 پايىزىندا كاسىپوداق قۇرىلعان جانە جۇمىس ىستەپ تۇر.  

«قاراشىعاناق  پەتروليۋم وپەرەيتينگ ب.ۆ» كونسورتسيۋمى – قازاقستاننىڭ سولتۇستىك-باتىسىندا ورنالاسقان الەمدەگى ءىرى مۇناي جانە گاز كوندەنساتى كەن ورنى. اۋدانى 280 شارشى شاقىرىمنان اسادى. كومپانيا قازاقستاننىڭ گاز ءوندىرۋ سالاسىنداعى كوشباسشىسى. 2018 جىلى قپو 148 ميلليون بارەل مۇناي وندىرگەن. بۇل رەكوردتىق كورسەتكىش بولىپ سانالادى.

الەۋمەتتىك جاۋاپتى كومپانيا ءوزىنىڭ وندىرىستىك قىزمەتىن جۇزەگە اسىرۋ بارىسىندا جەرگىلىكتى تۇرعىندار مەن جالپى قازاقستان حالقىنىڭ الەۋمەتتىك-ەكونوميكالىق جاعدايىن  بارىنشا جاقسارتۋ ماقساتىندا  قاراشىعاناق كەن ورنىنىڭ الەۋەتىن ءتيىمدى پايدالانۋعا ۇمتىلىپ وتىر.

 

سوڭعى جاڭالىقتار

ۇقساس جاڭالىقتار