ۇكىمەت • 28 اقپان، 2020

پرەمەر-مينيستر ا. مامين «Samruk Business Forum» شاراسىنا قاتىستى

15 رەتكورسەتىلدى

پرەمەر-مينيستر اسقار مامين وتاندىق تاۋار وندىرۋشىلەردى قولداۋ تاقىرىبىنا ارنالعان «Samruk Business Forum» پلەنارلىق سەسسياسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

«قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ ىشكى نارىقتى وتاندىق تاۋار وندىرۋشىلەردىڭ ونىمدەرىمەن قامتاماسىز ەتۋگە جانە «قاراپايىم زاتتار ەكونوميكاسىن» دامىتۋعا ەرەكشە كوڭىل بولەدى. مەملەكەت باسشىسى قاسىم-جومارت كەمەل ۇلى توقاەۆ ۇكىمەت الدىنا وتاندىق تاۋار وندىرۋشىلەردى قولداۋ مەن دامىتۋ جونىندە بىرقاتار ناقتى مىندەت قويدى»، — دەدى ا. مامين.  

ۇكىمەت باسشىسى جىل سايىن ساتىپ الۋ كولەمى 4 ترلن تەڭگەدەن اساتىنىن جانە بۇل كولەمدى ىشكى ءوندىرىستى دامىتۋ مۇددەسىندە ءتيىمدى پايدالانۋ وتە ماڭىزدى ەكەنىن اتاپ ءوتتى.

«سامۇرىق-قازىنا» قورى شاعىن جانە ورتا بيزنەستى دامىتۋ ءۇشىن جوعارى الەۋەتكە يە. قوردىڭ ءاربىر دەرلىك ەنشىلەس كومپانياسى «زاكىرلى»، ال كەيدە ءوز ءوڭىرى ءۇشىن قالا قۇراۋشى كاسىپورىن بولىپ تابىلادى»، — دەدى ا. مامين. 

وتاندىق ءوندىرىس پەن يمپورتتى الماستىرۋدى دامىتۋدىڭ ءتيىمدى درايۆەرى رەتىندە وففتەيك-كەلىسىمشارتتار مەن ۇزاقمەرزىمدى شارتتار تەتىگى قۇرىلىپ، ءساتتى جۇمىس ىستەپ تۇر. قازىرگى ۋاقىتتا ينۆەستيتسيالار كولەمى 215 ملرد تەڭگەدەن اساتىن، جاڭا وندىرىستەردى قۇرۋ بويىنشا 27 وففتەيك-كەلىسىمشارت ماقۇلداندى، شامامەن 2 مىڭ جۇمىس ورنى قۇرىلاتىن بولادى. ۇكىمەت ۇلتتىق بانكپەن بىرلەسىپ، ەكىنشى دەڭگەيلى بانكتەردىڭ وسىنداي شارتتاردى تۇراقتى كەپىل رەتىندە تانۋى بويىنشا جۇمىس جۇرگىزۋدە، بۇل اتالعان جوبالاردى قارجىلاندىرۋعا قولجەتىمدىلىكتى جەڭىلدەتەدى.

«سامۇرىق-قازىنا» قورى 1350-دەن استام تاۋارلىق پوزيتسيا بويىنشا پۋلدى انىقتادى، ول يمپورتتى الماستىرۋعا قاتىستى بيزنەستىڭ باستامالارىنىڭ «جاڭا تولقىنىنا» اينالۋى ءتيىس. بۇگىنگى كۇننىڭ وزىندە جۇمىس ىستەپ تۇرعان 180 كاسىپورىن ينۆەستيتسيالىق جوبالاردى ازىرلەپ، ىسكە اسىرۋعا زور قىزىعۋشىلىق تانىتتى»، — دەدى ا. مامين.

پرەمەر-مينيستر جوبالاردى، سونداي-اق بيزنەستىڭ جاڭا جۇمىس ورىندارىن اشۋ، جەرگىلىكتەندىرۋدى ارتتىرۋ جانە ساپالى ءونىم شىعارۋ تۇرىندەگى قارسى مىندەتتەمەلەردى قابىلداۋعا ازىرلىگىن جان-جاقتى پىسىقتاۋ قاجەتتىگىن اتاپ ءوتتى. 

ا. مامين قوردىڭ جۇيە قۇراۋشى كومپانيالارىنىڭ ساتىپ الۋلارى اياسىندا «سامۇرىق-قازىنا»-نىڭ مونوقالالاردى دامىتۋ بويىنشا جۇمىستاردى باستاعانىن اتاپ ءوتتى.

«مىسالى، تەك جاڭاوزەن قالاسى بويىنشا بۇل باستاما اياسىندا 230 ملرد تەڭگە سوماسىنا ساتىپ الۋلاردى وتكىزۋ جوسپارلانعان. بۇل ءوڭىردىڭ ەكونوميكالىق دامۋى ءۇشىن قوسىمشا سەرپىن بەرەدى»، — دەدى ۇكىمەت باسشىسى.

ا. مامين «سامۇرىق-قازىنا» قورىنىڭ «قاراپايىم زاتتار ەكونوميكاسىن» ىسكە اسىرۋعا بەلسەنە قاتىساتىنىن اتاپ ءوتتى. بۇل رەتتە قۇرىلىس-مونتاج جۇمىستارىن ساتىپ الۋ كەزىندە وتاندىق قۇرىلىس ماتەريالدارى مەن جابدىقتارىن پايدالانۋدىڭ ماڭىزدىلىعىن ايتتى.

«سامۇرىق-قازىنا»-نىڭ ءساتتى تاجىريبەسى رەتتەلەتىن بارلىق ساتىپ الۋلاردا، ونىڭ ىشىندە مەملەكەتتىك ورگانداردىڭ، كۆازيمەملەكەتتىك كومپانيالار مەن جەر قويناۋىن پايدالانۋشىلاردىڭ ساتىپ الۋلارىندا مىسال رەتىندە تارالۋى ءتيىس. ولاردىڭ جيىنتىق كولەمى اسا اۋقىمدى جانە 15 ترلن تەڭگە كولەمىندە باعالانادى»، — دەدى ا. مامين. 

پرەمەر-مينيستر تسيفرلىق تەحنولوگيالار، ماشينا جاساۋ، حيميا، جيھاز، توقىما، اياق كيىم، ونەركاسىپ، ەلەكتر ەنەرگەتيكاسى مەن مۇناي-گاز جابدىقتارى سالالارىنداعى وتاندىق تاۋار وندىرۋشىلەردىڭ ونىمدەرى كورمەسىمەن، سونداي-اق يموپورت الماستىرۋدى ودان ءارى دامىتۋ الەۋەتىمەن تانىستى. 

شاراعا 900-گە جۋىق ادام — «سامۇرىق-قازىنا» باسقارما توراعاسى ا. ەسىموۆ، «اتامەكەن» ۇكپ باسقارما توراعاسى ا. مىرزاحمەتوۆ، ۇلتتىق كومپانيالار باسشىلارى مەن قازاقستاندىق بيزنەس وكىلدەرى قاتىستى.

فورۋم اياسىندا «سامۇرىق-قازىنا» قورى، ونىڭ ەنشىلەس كومپانيالارى مەن وتاندىق تاۋار وندىرۋشىلەر اراسىندا جالپى سوماسى 35 ملرد تەڭگەگە جۋىق بولاتىن وففتەيك-كەلىسىمشارتتارى جاسالدى، سونداي-اق «ۇزدىك سەرۆيستىك كومپانيا»، «سەنىمدى جەتكىزۋشى» جانە ت. ب. اتالىمدار بويىنشا جەتەكشى وتاندىق كومپانيالاردى ماراپاتتاۋ سالتاناتى ءوتتى. 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار