مەديتسينا • 28 اقپان، 2020

ماڭعىستاۋدا مرت، كت زەرتتەۋلەرى ءۇشىن قاراجات 1 ميلليارد 477،6 ملن تەڭگەگە وسكەن

10 رەتكورسەتىلدى

2020 جىلدىڭ قاڭتار ايىنىڭ قورىتىندىسىنا سايكەس، رەسپۋبليكا بويىنشا مەديتسينالىق قىزمەتتەردى الۋ دەڭگەيى وسكەن. مىسالى، جوسپارلى تۇردە ستاتسيونارلىق قىزمەت كورسەتۋ كولەمى 50%-عا كوتەرىلگەن. شۇعىل كومەك كورسەتۋ كولەمى ازايىپ وتىر.

دەمەك، پاتسيەنتتەر اۋىر جاعدايدا ەمەس، جوسپارلى تۇردە كومەك العاننان كەيىن، ەمدەلۋدە. كونسۋلتاتيۆتىك- دياگنوستيكالىق قىزمەتتەردىڭ دەڭگەيى 27%-عا ءوسىپ وتىر. سونىڭ ىشىندە كت مەن مرت - 54%، ۋزي-21%-عا ءوسىپ وتىر. سونىمەن بىرگە مەديتسينالىق وڭالتۋ مەن قالپىنا كەلتىرۋ ەمدەۋ قىزمەتتەرى 48%-عا ءوسىپ وتىر، سونىڭ ىشىندە نەۆرولوگياعا قاتىستى ەمدەۋ قىزمەتى 3،2 ەسە وسكەن.بۇل تۋرالى «الەۋمەتتىك مەديتسينالىق ساقتاندىرۋ قورى» كەاق ماڭعىستاۋ وبلىسى فيليالىنىڭ ءباسپاسوز قىزمەتى حابارلادى.

وسىنداي كورسەتكىشتەر ماڭعىستاۋ وبلىسى بويىنشا دا بايقالادى. كونسۋلتاتيۆتى-دياگنوستيكالىق قىزمەتتەر ءۇشىن جاڭادان كابينەتتەر اشۋ جۇمىستارى قولعا الىنۋدا. ءمامس جۇيەسى بۇل قىزمەتتەردى تەگىن الۋعا مۇمكىندىك بەرەدى.

قاڭتار ايىندا فيليال اتىنان مەديتسينالىق كومەك قىزمەتىن جەتكىزۋشى ۇيىمدارعا 3،5 ملرد تەڭگە اۆانستىق تولەم جاسالدى.

ماڭعىستاۋ وبلىسىنىڭ تۇرعىندارىنا مرت، كت زەرتتەۋلەرى ءۇشىن 2020 جىلعا 1 ميلليارد 503،3 ملن تەڭگە بولىنسە، ال 2019 جىلى 25،7 ملن تەڭگە بولىنگەن. بيىل بىلتىرعىعا قاراعاندا تەك مرت، كت زەرتتەۋلەرى ءۇشىن قاراجات 1 ميلليارد 477،6 ملن تەڭگەگە ءوسىپ وتىر.

تۇرعىندار جالپى تاجىريبەلىك دارىگەردەن نەمەسە ۋچاسكەلىك تەراپەۆتەن مەديتسينالىق كورسەتىلىممەن جولداما العان جاعدايدا، ءمامس جۇيەسى بويىنشا مرت، كت قىزمەتتەرىن تەگىن الا الادى.

بۇگىندە كومپيۋتەرلىك توموگرافيا قىزمەتى اقتاۋ قالاسىندا 26 ش/ا «ينۆيۆو ۆدپ»، 26 ش/ا ماڭعىستاۋ وبلىستىق اۋرۋحاناسى، 8 ش/ا «يبن سينا مەديتسينالىق ورتالىعى»، 1 ش/ا حيرۋرگيا ينستيتۋتى، 1 ش/ا «سوفي مەد گرۋپپ» كلينيكاسىندا، 14 ش/ا «نەيرون»  سياقتى 6 مەكەمەدە، سونداي-اق جاڭاوزەن قالاسىنداعى كوپبەيىندى اۋرۋحاناسىندا كورسەتىلەدى. ال ماگنيتتى-رەزونانستى توموگرافيا اقتاۋدا، ياعني 26 ش/ا «ينۆيۆو ۆدپ»، 26 ش/ا ماڭعىستاۋ وبلىستىق اۋرۋحاناسى، 1 ش/ا حيرۋرگيا ينستيتۋتى جانە «سوفي مەد گرۋپپ» كلينيكاسىندا بار.

سوڭعى جاڭالىقتار

ۇقساس جاڭالىقتار