بارشاعا ءمالىم, 2020 جىلدىڭ 1 قاڭتارىنان باستاپ مىندەتتى الەۋمەتتىك مەديتسينالىق ساقتاندىرۋ جۇيەسى ىسكە قوسىلدى.
حالىقپەن بايلانىستى قامتاماسىز ەتۋ ماقساتىندا 2019 جىلدىڭ قىركۇيەگىنەن باستاپ قوردىڭ 1406 ءنومىرى بويىنشا بىرىڭعاي بايلانىس ورتالىعى جۇمىس ىستەي باستادى. 2020 جىلدىڭ 1 قاڭتارىنان باستاپ ول 24/7 ءتارتىبى بويىنشا جۇمىس ىستەۋدە.
قازاقستاندىقتار ءۇشىن قور تاراپىنان كەرى بايلانىس كانالىن قۇردى. قازىرگى تاڭدا بۇل Qoldau-24/7 موبيلدىك قوسىمشا ارقىلى جۇزەگە اسىرىلۋدا. وسى موبيلدىك قوسىمشانى جۇكتەۋ ارقىلى ءار ازامات كەڭەس الۋ, ءوتىنىش بەرۋ جانە ساقتاندىرىلۋ مۇمكىندىگىنە يە بولادى.
1406 Call-تسەنتر ورتالىعىنا بۇگىنگى كۇنگە دەيىن وبلىس تۇرعىندارىنان 26 ءوتىنىش كەلىپ ءتۇستى. قور فيليالىنىڭ جۇمىس تەلەفونىنا 60 ءوتىنىش كەلىپ ءتۇستى. ولار مەديتسينالىق كومەكتىڭ ساپاسىنا, تەگىن ءدارى-دارمەكتىڭ دۇرىس بەرىلمەۋىنە, قىمبات تۇراتىن مرت, كت سياقتى قىزمەت تۇرلەرىن الۋ ماسەلەلەرىنە بايلانىستى.
2020 جىلى, ءمامس جۇيەسىن ەنگىزگەلى, وبلىستىڭ دەنساۋلىق ساقتاۋ سالاسىنىڭ بيۋدجەتى ءوسىپ, 42 ملرد تەڭگەنى قۇراپ وتىر.
ماڭعىستاۋ وبلىسى
