سپورت • 28 اقپان، 2020

اقتاۋدا وتىرىپ وينايتىن ۆولەيبولدان ەل بىرىنشىلىگى وتۋدە

25 رەتكورسەتىلدى

اقتاۋدا تىرەك-قيمىلى زاقىمدالعان ارداگەر سپورتشىلار اراسىندا وتىرىپ وينايتىن ۆولەيبولدان قازاقستان رەسپۋبليكاسى چەمپيوناتىنىڭ اشىلۋ ءراسىمى ءوتتى. بۇل تۋرالى ماڭعىستاۋ وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.

ارداگەر سپورتشىلار اراسىندا بۇل سپورت تۇرىنەن ەل بىرىنشىلىگى كيەلى ماڭعىستاۋدا وسىمەن ءۇشىنشى رەت ۇيىمداستىرىلىپ وتىر. جارىسقا رەسپۋبليكامىزدىڭ ءار ايماعىنان 8 كوماندادان قۇرالعان بارلىعى 80 سپورتشى باق سىناسپاق.

شارانىڭ اشىلۋىندا ماڭعىستاۋ وبلىسى اكىمىنىڭ كەڭەسشىسى تريفونوۆ ۆلاديسلاۆ ۆياچەسلاۆوۆيچ سپورتتى جانىنا سەرىك ەتكەن ارداگەر سپورتشىلارعا ساتتىلىك تىلەدى.

سونىمەن قاتار قازاقستان رەسپۋبليكاسىنىڭ سپورت شەبەرى، سپورت ارداگەرى جانە رەسپۋبليكالىق، حالىقارالىق تۋرنيرلەردىڭ بىرنەشە دۇركىن جەڭىمپازى، ماڭعىستاۋلىق لۇقپانوۆ قاراساي تۇلەۋ ۇلى ءوزىنىڭ سوڭعى ويىنىن كورسەتىپ، ونى جانكۇيەرلەر سپورتتان قۇرمەتتى ەڭبەك دەمالىسىنا شىعارىپ سالدى.

ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسى باسشىسىنىڭ مىندەتىن اتقارۋشى ق.جۇماباەۆ ماڭعىستاۋ وبلىسى اكىمدىگىنىڭ اتىنان ارداگەر سپورتشىعا العىس حات تابىستادى.

سالتاناتتى شارادا مىڭ بۇرالعان بيشىلەر بي بيلەپ، اسەم ءان شىرقالدى. ءدۇبىرلى دودا ءۇش كۇنگە سوزىلماق.

 

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار