ماڭعىستاۋ وبلىستىق اۋرۋحاناسى جۇرەك-قان تامىرلارى حيرۋرگياسى بولىمشەسىنىڭ كارديوحيرۋرگى البەرت ابۇلحاسوۆتىڭ ايتۋىنشا, جۇكتى كەلىنشەكتىڭ وكپەسىنىڭ ءىسىپ كەتۋىنە بايلانىستى ونىڭ دەمالۋى قيىنداي تۇسكەن. بۇيرەگى مەن باۋىرى اۋىرىپ, جاعدايى دارىگەرلەردىڭ كوز الدىندا ناشارلاعان. دارىگەرلەر ءوزارا اقىلداسا كەلە كەسار تىلىگىن جاساۋ قاجەتتىگىنە توقتالعان. وتا ءساتتى جاسالعان سوڭ ومىرگە دەنى ساۋ ەر بالا كەلدى. ال اناسىنىڭ قوس جارمالى قاقپاقشاسى تارىلعاسىن پروتەزدەۋ قاجەتتىگى تۋىنداپ, اشىق تۇردە جۇرەككە وتا جاساۋعا تۋرا كەلگەن.
بۇل رەتتە شۇعىل ارەكەت جاساعان كارديوحيرۋرگتەر, گينەكولوگتار, سونىمەن قاتار اقتوبە قالاسىنان شاقىرتىلعان ۋلترادىبىستى زەرتتەۋ دارىگەرى, كارديوحيرۋرگ, ونىڭ كومەكشىسى جانە انەستەزيولوگ. وتا 5 ساعاتقا سوزىلعان, ەڭ باستىسى ناتيجە جامان ەمەس.
-اۋرۋحانادا ەكى اپتا جاتىپ ەمدەلگەن سوڭ, ايەلدىڭ جاعدايى جاقسارعان كۇننەن باستاپ بالاسىمەن بىرگە ۇيىنە جىبەرىلدى. دارىگەرلەرگە ءجيى حابارلاسىپ وتىرادى جانە ءوزىنىڭ دەنساۋلىعى تۋرالى مالىمەت بەرىپ, قاجەتتىلىك تۋىنداسا ولاردىڭ كەڭەسىنە جۇگىنەدى. ايتا كەتۋ كەرەك, وبلىستىق پەريناتالدىق ورتالىعىنىڭ جانە ءبىزدىڭ اۋرۋحانانىڭ كارديوحيرۋرگتارىنىڭ بىلىكتىلىگىنىن ارقاسىندا وسىنداي قيىن وتانى جاساپ شىقتىق. سونىمەن قاتار وبلىستىق دەنساۋلىق ساقتاۋ باسقارماسى دا قاجەتتى قولداۋدى كورسەتىپ وتىر, دەيدى ماڭعىستاۋ وبلىستىق اۋرۋحاناسىنىڭ ديرەكتورى بولاتبەك قايۋپوۆ.
ماڭعىستاۋ وبلىسى
