ايماقتار • 28 اقپان، 2020

اسكەري قىزمەتشىلەر سوعىس ارداگەرىنىڭ تۋعان كۇنىنە ارنالعان شەرۋ وتكىزدى

38 رەتكورسەتىلدى

«باتىس» وڭىرلىك قولباسشىلىعىنىڭ اسكەري قىزمەتشىلەرى ەكىنشىدۇنيەجۇزىلىك سوعىستىڭ ارداگەرلەرى، سەرجانت زاكاريا سۇلتانوۆ پەن قاتارداعى جاۋىنگەر ۆالەنتينا كونوپلەۆالار ءۇشىن ولاردىڭ ءۇيىنىڭ الدىندا شاعىن شەرۋ وتكىزدى. بۇل تۋرالى «باتىس» وڭىرلىك قولباسشىلىعى ءباسپاسوز قىزمەتى حابارلادى.

اسكەري قىزمەتكەرلەر سالتاناتتى شەرۋمەن سوعىس ارداگەرلەرىن جەڭىستىڭ 75 جىلدىعىمەن جانە وسى كۇنى 97 جاسقا تولعان ۆالەنتينا كونوپلەۆانى تۋعان كۇنىمەن قۇتتىقتادى.

80-گە جۋىق اسكەري قىزمەتشى، «جاس سارباز» تالىمگەرلەرى مەن اسكەري وركەستر وكىلدەرى ارداگەرلەرىڭ تۇرعىلىقتى ۇيىنە كەلىپ، اۋلاسىندا ءتورت جاياۋ قوراپ بولىپ مايدانگەرلەردىڭ الدىنان «سلاۆيانمەن قوشتاسۋ» شەرۋىنىڭ ورىندالۋىمەن سالتاناتتى تۇردە ادىمداپ ءوتتى.

ارداگەرلەردى قۇتتىقتاۋعا «باتىس» وڭىرلىك قولباسشىلىعىنىڭ وكىلدەرى مەن قالا تۇرعىندارى جينالدى. سالتاناتتى شەرۋدەن كەيىن اسكەري وركەستر دەفيلە كورسەتسە، «مەرۋەرت» بي توبى «كاتيۋشا» جانە «تاليانوچكا» بيلەرىن ورىندادى.

1

اسكەري قىزمەتشىلەر الداعى ۋاقىتتا باسقا دا ەكىنشىدۇنيەجۇزىلىك  سوعىس ارداگەرلەرىنە ارنالعان وسىنداي ءىس-شارالاردى وتكىزۋدى جوسپارلاپ وتىرعانىن اتاپ ءوتتى.

سوڭعى جاڭالىقتار

ۇقساس جاڭالىقتار