رۋحانيات • 23 اقپان، 2020

انا ءتىلى – ارىڭ بۇل...

25 رەتكورسەتىلدى

21 اقپان – الەمدە «حالىقارالىق انا ءتىلى كۇنى» بولىپ بەلگىلەنگەن. وسى داتاعا وراي سولتۇستىك قازاقستان وبلىستىق تىلدەردى دامىتۋ باسقارماسى قىزىلجارداعى ەڭ ءزاۋلىم مادەني ورىن – «وقۋشىلار سارايىندا» «ۇرپاق ءتىلى-كەلەشەك كىلتى» اتتى ۇلكەن مادەني شارا وتكىزدى.

«انا ءتىلىنە» ارنايى كۇن بەرىپ ارداقتاۋ اسىرەسە،ءبىز سياقتى ونى جەتكىلىكتى دارەجەدە قۇرمەتتەمەيتىن حالىق ءۇشىن كەرەك-اق. قازىر انا تىلىندە وقيتىن بالالار، ولاردىڭ اتا-انالارى ءوز تىلدەرىنە دەگەن قۇرمەتتى ۇمىتىپ، وزگە تىلدە شۇلدىرلەۋگە اۋەس. ال اۋەزدى، وتە باي، وتە قۇنارلى، وتە قۇدىرەتتى قازاق ءتىلى وكىنىشكە وراي، كەيىنگى كەزەككە سىرعىپ بارادى.

اتالمىش شارا مەملەكەتتىك ءتىلدى مەڭگەرگەن وزگە ەتنوس وكىلدەرىءنىڭ قازاق ءتىلىن ۇيرەنۋى مەن ونىڭ بولاشاعىنا دەگەن كوزقاراسىن ءبىلدىرىپ، ويلارىن ورتاعا سالۋعا ارنالدى. سوندىقتان دا بايانداما جاساپ، ورتاعا شىعىپ سويلەگەن جانداردىڭ ءبارى قازاقتان وزگە حالىقتاردىڭ وكىلدەرى ەدى. ناقتى ايتاتىن بولساق ولار ەسىل اۋدانى پەتروۆكا ورتا مەكتەبىنىڭ مۇعالىمى مامماتكاريم ساركۋلوۆ، جامبىل اۋدانى بۋدەنىي ورتا مەكتەبىنىڭ مۇعالىمىسۆەتلانا بۋناك، وبلىستىق قىلمىستىق-اتقارۋ جۇيەسى دەپارتامەنتى ەس-164/6 مەكەمەسىنىڭ قىزمەتكەرى، ادىلەت اعا سەرجانتى پاۆەل راديونوۆ، ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى كارينا مەليحوۆا، تايىنشا اۋدانى زەلەنوگاي اۋىلدىق وكرۋگى زەلەنوگاي اۋىلىنىڭ تۇرعىنى اننا ۆاحوۆسكايا جانە ت.ب. بولدى. وسىناۋ وزگە ەتنوس وكىلدەرىنىڭ قازاق ءتىلىن قۇرمەتتەپ، جوعارى باعالاعانىنا قاراعاندا قازاقتىڭ ءوزى «قولداعىالتىننىڭ قادىرىن بىلمەي ءجۇر-اۋ» دەگەن ويعا قالادى ەكەنسىڭ. بۇلاردىڭ ءبارى دە قازاق ءتىلىن ءبىرشاما جاقسى مەڭگەرگەن، كەيبىرى ونى وزدەرى دە وقىتىپ، ۇيرەتىپ جۇرگەن جاندار ەكەن، ەڭ باستىسى ءبىزدىڭ ءتىلدى ۇيرەنۋگە دەگەن ىقىلاستارى زور ەكەنى كورىنىپ تۇردى. وبلىستىق تىلدەردى دامىتۋ باسقارماسىنىڭ باستىعى كەمەل وسپانوۆتىڭ ايتۋىنا قاراعاندا مۇنداي جانداردىڭ سانى جىل سايىن ارتىپ كەلەدى. ء«بىز وسىنداي مادەني شارالاردى جىلدا وتكىزىپ تۇرامىز. العاشقى كەزدەردە قازاق ءتىلىن جاقسى بىلەتىن وزگە ەتنوس وكىلدەرىن تابۋ قيىن بولاتىن. قازىر شاراعا قاتىسۋعا وزدەرى تىلەك بىلدىرەدى. وسىعان قاراپ ءبىزدىڭ جۇرەگىمىزدە قازاق ءتىلىنىڭ بولاشاعى ءالى الدا شىعار، ونىڭ دامۋى ارتا تۇسەتىن بولار دەگەن سەنىم ۇيالايدى»، دەدى ول. شاراعا بەلسەنە قاتىسىپ، بايانداما جاساعانداردىڭ ءبىرى، بەلارۋس قىزى، ۋنيۆەرسيتەت ستۋدەنتى كارينا مەليحوۆانى اڭگىمەگە تارتىپ، ونىڭ ءتىلدى ۇيرەنۋ سەبەبىن سۇراعان ەدىك ول: «قازاق ءتىلىن ۇيرەنۋدىڭ ەش قيىندىعى جوق. مەن ءوزىم قازاقشا وقىدىم. وسىنىڭ ءوزى ماعان ومىردە تالاي جەردە جولىمنىڭ جەڭىل بولۋىنا مۇمكىندىك تۋدىردى. سوندىقتان مەن ءوز قۇربىلارىما ونى تەزىرەك ۇيرەنىپ الۋعا شاقىرىپ، ۇگىتتەپ جۇرەمىن»، دەدى.

مادەني شاراعا «نۇر وتان» حدپ «جاس وتان» جاستار قاناتى، «قىزىلجار جاستارى» جاستار قوعامدىق بىرلەستىگى، قازاقستان حالقى اسسامبلەياسى، باق وكىلدەرى جانە م.قوزىباەۆ اتىنداعى سقمۋ ستۋدەنتتەرى قاتىستى. ءىس-شارا اياسىندا تىلدەردى دامىتۋ سالاسىنداعى ىنتىماقتاستىقتى دامىتۋ جونىندەگى مەموراندۋمعاتىلدەردى دامىتۋ باسقارماسىنىڭ باسشىسى كەمەل وسپانوۆ پەن وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى مۇراتبەك زەينۋللين قول قويدى.


قىزىلجار

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار