ح. كليۋگە قازاقستاننىڭ ۇكىمەت باسشىسىنا نۇر-سۇلتان قالاسىنا ساپارى بارىسىندا قر دەنساۋلىق ساقتاۋ مينيسترلىگى مەن ددسۇ ەۋروپالىق ايماقتىق بيۋروسى اراسىنداعى 2020-2021 جىلدارعا ارنالعان كەلىسىمگە قول قويۋ تۋرالى حابارلادى.
- قازاقستان دەنساۋلىق ساقتاۋدى دامىتۋ, مەديتسينالىق كومەكتىڭ ساپاسى مەن قولجەتىمدىلىگىن جاقسارتۋ, العاشقى مەديتسينالىق-سانيتارلىق كومەكتى رەفورمالاۋ ماسەلەلەرى بويىنشا دۇنيەجۇزىلىك دەنساۋلىق ساقتاۋ ۇيىمىمەن بەلسەندى ىنتىماقتاستىق ورناتقان, — دەدى ا. مامين.
ۇكىمەت باسشىسى قر اۋماعىندا كوروناۆيرۋستىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ قىزمەتى, سونداي-اق قازاقستاندا ازاماتتاردى كوروناۆيرۋستىق ينفەكتسيادان قورعاۋ بويىنشا قابىلداعان شارالار تۋرالى ايتىپ بەردى.
- قازاقستان كوروناۆيرۋسقا قارسى كۇرەس اياسىندا اۋرۋدىڭ الدىن الۋ, دياگنوز قويۋ جانە كارانتين شارالارى بويىنشا ددسۇ-نىڭ ۇسىنىمدارىن ۇستانادى, — دەدى پرەمەر-مينيستر.
تاراپتار كوروناۆيرۋسپەن كۇرەس, العاشقى مەديتسينالىق-سانيتارلىق كومەك, دەنساۋلىق ساقتاۋدى تسيفرلاندىرۋ, ءمامس ەنگىزۋ, توتەنشە جاعدايلار مەديتسيناسى جانە ت. ب. قوسا العاندا, قازاقستاننىڭ ددسۇ-مەن ىنتىماقتاستىعى ماسەلەلەرىن تالقىلادى.
كەزدەسۋگە قر پرەمەر-ءمينيسترىنىڭ ورىنباسارى ەرالى توعجانوۆ, دەنساۋلىق ساقتاۋ ءمينيسترى ەلجان ءبىرتانوۆ, سىرتقى ىستەر ءمينيسترىنىڭ ورىنباسارى مارعۇلان بايمۇحان, سونداي-اق ددسۇ-نىڭ قر-داعى تۇراقتى وكىلىنىڭ مىندەتىن اتقارۋشى كەرولاين كلارينۆال قاتىستى.
قازاقستان ددسۇ-عا 1992 جىلى 19 تامىزدا قوسىلدى, گەوگرافيالىق جاعىنان قر ددسۇ-نىڭ ەۋروپالىق ايماعىنا جاتادى. نۇر-سۇلتان قالاسىندا ۇيىمنىڭ ەلدىك ءوفيسى جۇمىس ىستەيدى. 2015 جىلى الماتى قالاسىندا دۇنيەجۇزىلىك دەنساۋلىق ساقتاۋ ۇيىمىنىڭ العاشقى مەديتسينالىق-سانيتارلىق كومەك (امسك) بويىنشا گەوگرافيالىق قاشىقتا ورنالاسقان ءوفيسى اشىلدى.
2018 جىلدىڭ قازان ايىندا قر استاناسىندا امسك بويىنشا جاھاندىق كونفەرەنتسيا وتكىزىلدى, ونىڭ قورىتىندىسى بويىنشا استانا دەكلاراتسياسى قابىلدانعان بولاتىن. بيىل 3-8 اقپاندا جەنەۆا قالاسىندا وتكەن ددسۇ اتقارۋشى كوميتەتىنىڭ 146-وتىرىسىندا امسك (Operational Framework on PHC) وپەراتيۆتى نەگىزى بويىنشا شەشىم قابىلداندى, ونىڭ ءماتىنىن كەلىسۋ قازاقستاننىڭ توراعالىق ەتۋىمەن ءوتتى.
