ايماقتار • 13 اقپان، 2020

پروباتسيا ەسەبىندە تۇرعان ازاماتتار كاسىپكەرلىكپەن اينالىسۋدا

109 رەتكورسەتىلدى

قىزىلوردا وبلىسىندا پروباتسيا قىزمەتىنىڭ ەسەبىندە تۇرعان سوتتالعاندارعا الەۋمەتتىك- قۇقىقتىق كومەك كورسەتۋ جۇمىستارى بەلسەندى جۇرگىزىلىپ جاتىر.

سونىڭ ءبىر دالەلى،  قازالى اۋداندىق پروباتسيا قىزمەتى مەن اۋداندىق جۇمىسپەن قامتۋ ءبولىمى پروباتسيا ەسەبىندەگى جۇمىسسىز ازاماتتاردى جۇمىسپەن قامتۋ ماقساتىندا  «اتامەكەن» ۇلتتىق كاسىپكەرلەر پالاتاسىنىڭ «باستاۋ بيزنەس» جوباسى بويىنشا ءبىر ايلىق «كاسىپكەرلىك نەگىزدەرى» كۋرسىن 4 سوتتالعان ازاماتتى تەگىن وقىتتى. ءبىر ايلىق كۋرستى اياقتاپ، سەرتيفيكات العان س. ەسىمدى ازاماتقا  جاڭادان باستاعان كاسىپتى قولداۋ  ماقساتىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ» 2017-2021 جىلدارعا ارنالعان مەملەكەتتىك باعدارلاماسى اياسىندا  252 500  تەڭگە قايتارىمسىز گرانت بەرىلدى. جەكە كاىسبىن  اعاش وڭدەۋ تسەحىن اشۋدان باستاعان ازامات قازالى  اۋدانىندا كاسىبىن دوڭگەلەتىپ وتىر. قازىرگى تاڭدا كەڭسە ۇستەلدەرىنە، ءۇي جيھازدارىنا تاپسىرىستار العان. ازىرگە ءوزى عانا جۇمىس جاسايدى.

ء«بىز سياقتى اياعىن شالىس باسقان ازاماتتارعا مەملەكەتتىڭ بەرىپ وتىرعان وسى مۇمكىندىگىن ۋاقىت جوعالتپاي ءتيىمدى پايدالانىپ، «باستاۋ بيزنەس» جوباسىن تەگىن وقىپ سەرتيفيكات الدىم. مەملەكەتتەن قايتارىمسىز 252 500 تەڭگە گرانت  بەردى. اعاش وڭدەۋ تسەحىن اشسام دەگەن ماقسات بولدى. كاسىبىمدى اشىپ، تاپسىرىستار قابىلداپ جاتىرمىن. وسىنشاما كومەك بەرىپ جاتقان مەملەكەتىمىزگە، پرەزيدەنتىمىزگە راحمەت، ءبىزدى قوعامنان سوتتالعان دەپ بولمەي،  كومەك بەرىپ جاتقانىنا »  دەدى  پروباتسيا ەسەبىندە تۇرعان س ەسىمدى ازامات.

ال، سەرتيفيكات العان  3 سوتتالعان ازامات ءوز كاسىبىن اشۋ ماقساتىندا نەسيە الۋ ءۇشىن ءتيىستى قۇجاتتار دايىنداۋ ۇستىندە.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

ۇقساس جاڭالىقتار