«ۇيىقتاپ جاتقان جۇرەكتى ءان وياتار» دەپ اتالعان تانىمدىق كەشتە اقىننىڭ «جارق ەتپەس قارا كوڭلىم نە قىلسا دا...», «ەسىڭدە بار ما جاس كۇنىڭ», «سەگىز اياق», «ايتتىم سالەم قالامقاس», «كوزىمنىڭ قاراسى», «جەلسىز تۇندە جارىق اي» ت.ب سىندى ولەڭدەرى وقىلىپ, وقىتۋشىلار مەن ستۋدەنتتەر ناقىشىنا كەلتىرە ايتقان اندەر قاتىسۋشىلاردى ىستىق ىقىلاسقا بولەدى.
كەشتى قازاقستان رەسپۋبليكاسىنىڭ ەڭبەك سىڭىرگەن قايراتكەرى گۇلدانا ساپارعاليەۆا جۇرگىزدى. كەشتى ۇيىمداستىرۋشىلاردىڭ ايتۋىنشا, « ۇلى ابايدىڭ مۇراسى قازىرگى قوعامنىڭ رۋحاني قاعيداسىمەن ۇندەس. ۇرپاقتان-ۇرپاققا جالعاسار شامشىراق. ابايدى تانىپ وسكەن ورەننەن, الەم مويىنداعان تاۋ تۇلعالار وركەيەر. ال ولار قازاق قوعامىنىڭ كەلەشەگى».
