وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ پەن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا وسى جىلعى 28 قاڭتار كۇنى ىستىعى كوتەرىلىپ, دارىگەرگە قارالعان ءبىر ازاماتتىڭ قازىر وبلىستىق جۇقپالى اۋرۋلار اۋرۋحاناسىندا ەم الىپ جاتقانىن جاسىرعان جوق.
دارىگەرلەردى الاڭداتقانى, ونىڭ 11-18 قاڭتار ارالىعىندا قىتاي ەلىندە ەم العانى بولىپ شىقتى. جيىرماسىنشى قاڭتاردا قىزىلورداعا جەتكەن جەرلەسىمىز 8 كۇننەن كەيىن اۋرۋحاناعا تۇسكەن. ءبىر قۋانارلىعى – دارىگەرلەر كۇدىك راستالمادى. قازىر ناۋقاستىڭ ىستىعى ءتۇسىپ, ەم الۋدى جالعاستىرۋدا.
ۆيرۋسولوگيالىق زەرتحانا ماماندارى دا جەرلەسىمىزدىڭ قاۋىپتى ۆيرۋسقا شالدىقپاعانىن راستاپ وتىر.
بريفينگتە ءتيىستى ورىنداردىڭ قاۋىپتى ىندەتتى بولدىرماۋ باعىتىنداعى ارنايى ءىس-شارالار جوسپارى اياسىندا جۇمىس ىستەپ جاتقانى ايتىلدى. سونىمەن قاتار وبلىستىق پوليتسيا دەپارتامەنتىنە وڭىرىمىزگە سىرت مەملەكەتتەردەن كەلگەن ازاماتتار جايلى دەرەكتى كەدەرگىسىز بەرۋ جايلى ۇسىنىس جاسالدى.
