قازاقستان تەننيس فەدەراتسياسى 27 قاڭتاردا ITF-تەن (International Tennis Federation) قىتايدىڭ دۋنگۋان قالاسىندا ءوتۋى ءتيىس ازيا جانە تىنىق مۇحيتى ايماعىنىڭ فەدەراتسيا كۋبوگىن نۇر-سۇلتاندا وتكىزۋگە قاتىستى رەسمي ۇسىنىس كەلىپ تۇسكەنىن حابارلاعان بولاتىن. بۇل شەشىم قىتايدا كوروناۆيرۋستىڭ ورشۋىنە بايلانىستى قابىلدانعان.
ءدال وسى كۇنى قازاقستان تەننيس فەدەراتسياسى ۇكىمەتكە اتالعان ماسەلەنى قاراستىرۋ بويىنشا ۇسىنىس جىبەرگەن. سونىمەن قاتار, ءۇندىستان, وڭتۇستىك كورەيا, قىتاي, تايۆان, يندونەزيا جانە وزبەكستان كوماندالارىنىڭ قاتىسۋىمەن وتەتىن باسەكەنى 4-8 اقپان ارالىعىندا قابىلداۋعا تەحنيكالىق جاعىنان دايىن ەكەندىگىن راستادى.
