«پرەزيدەنت جانىنداعى ۇلتتىق قوعامدىق سەنىم كەڭەسى مۇشەلەرىنىڭ ۇسىنىستارىن تالقىلاۋ ماقساتىندا جينالىپ وتىرمىز. ۇسىنىستاردى تالقىلاۋدى ءبىز وتكەن جىلدىڭ 12 قازانىندا باستاعانبىز. سول وتىرىستاعى ۇسىنىستارىڭىز ەسكەرىلىپ, مينيسترلىككە باعىنىستى ۇيىمدار بىرقاتار شارۋالار اتقاردى. سونىڭ ءبىرى – مينيسترلىك جانىنان قۇرىلعان مادەني ساياسات جونىندەگى كەڭەس جانە رۋحاني كوشباسشىلار قورى. بۇل دا سىزدەردىڭ ۇسىنىستارىڭىز ەدى», دەدى مينيستر. ا.رايىمقۇلوۆا بيىل كەڭ اۋقىمدا وتەتىن شارالاردىڭ قاتارىندا ابايدىڭ 175 جىلدىق مەرەيتويىن اتاپ, سوعان سايكەس بيىل 500-دەن اسا ءتۇرلى شارالاردىڭ ۇيىمداستىرىلاتىنىن جەتكىزدى. سونداي-اق ءال-ءفارابيدىڭ 1150 جىلدىعى اياسىندا داماسك جانە نۇر-سۇلتان قالالارىندا ەلەۋلى شارالار وتەتىنىن ايتتى. مينيستر رەسپۋبليكالىق مادەنيەت ۇيىمدارى قىزمەتكەرلەرىنىڭ لاۋازىمدىق جالاقىسى 50 پايىزعا, ايماقتىق ۇيىم قىزمەتكەرلەرىنىڭ جالاقىسى 35 پايىزعا وسكەنىن دە اتاپ ءوتتى.
باسقوسۋدا مادەنيەت جانە سپورت مينيسترلىگىنىڭ اتىنان «ادالدىق الاڭى» جوبالىق كەڭسەسىنىڭ قىزمەتى مەن ماقساتى, 2020 جىلعا ارنالعان جوسپارى جايىندا سول جوبانىڭ جەتەكشىسى مارات قامزولداەۆ بايانداما جاسادى. مەملەكەت باسشىسىنىڭ العا قويعان مىندەتى نەگىزىندە بۇقارالىق سپورتتى دامىتۋ تۋرالى سپورت جانە دەنە شىنىقتىرۋ ىستەرى كوميتەتىنىڭ توراعاسى سەرىك ساپيەۆتىڭ, «قازاق ءتىلىنىڭ لاتىن گرافيكاسىنا كەزەڭ-كەزەڭىمەن كوشۋ ماسەلەلەرى» دەگەن تاقىرىپتا ءتىل ساياساتى كوميتەتىنىڭ توراعاسى عالىمجان مەلدەشوۆتىڭ باياندامالارى تىڭدالدى.
باسقوسۋ بارىسىندا بەلگىلى كومپوزيتور التىنبەك قورازباەۆ «ادالدىق الاڭىنا» قازاقستان اۆتورلار قوعامىنىڭ اراسىنداعى داۋدى مامىلەمەن شەشۋ جايلى ۇسىنىس تاستادى. قوعامنىڭ بۇرىنعى جانە قازىرگى باسشىلارىنىڭ اراسىنداعى داۋ-دامايدىڭ ءورشىپ تۇرعانى بەلگىلى. كومپوزيتور وسى ىسكە «ادالدىق الاڭىنىڭ» ارالاسۋىن قالايدى. اتالعان مينيسترلىك وكىلدەرى دە بۇل داۋدىڭ ەكى جاقتىڭ مامىلەگە كەلۋىمەن اياقتالۋىن قۇپتايتىندىقتارىن اڭعارتتى.
رەسپۋبليكالىق سالالىق مادەنيەت, سپورت جانە اقپارات قىزمەتكەرلەرى كاسىپوداعىنىڭ توراعاسى, ۇلتتىق قوعامدىق سەنىم كەڭەسىنىڭ مۇشەسى سۆەتلانا يمانقۇلوۆانىڭ دا ۇسىنىسى ەرەكشە بولدى. «وبلىستارداعى مادەنيەت باسقارمالارى اكىمدىكتەردىڭ قاراماعىندا. ولارعا ءبىر شارۋا ايتساڭ, ء«بىز اكىمدىككە قارايمىز» دەپ جاۋاپ بەرەدى. ەگەر جەرگىلىكتى جەرلەردەگى مادەنيەت باسقارمالارى, دەپارتامەنتتەرى تۇگەلدەي مادەنيەت مينيسترلىگىنە قارايتىن بولسا, ءبىزدىڭ جۇيەمىزدىڭ جۇمىسى جاقسارار ەدى», دەدى ول.
جالپى جيىن بارىسىندا باسقا دا بىرقاتار ۇسىنىستار تالقىلانىپ, مينيسترلىك وكىلدەرى تاراپىنان قاپەرگە الىندى, قاعازعا ءتۇستى.
