ايماقتار • 22 قاڭتار، 2020

ۆولونتەرلىك قوزعالىس قولداۋ تابۋدا

73 رەتكورسەتىلدى

پرەزيدەنت قاسىم-جومارت توقاەۆ بيىلعى جىلدى ۆولونتەر جىلى دەپ بەلگىلەگەن ەدى. وسىعان بايلانىستى قازىر جەر-جەرلەردە قازاقستان حالقى اسسامبلەياسى وبلىستىق فيليالدارىنىڭ شەڭبەرىندە ۆولونتەرلىك قوزعالىس ورتالىقتارى اشىلىپ جاتىر.

وتكەن اپتانىڭ سوڭعى كۇنى سول­تۇس­تىك قازاقستان وبلىسىنىڭ قحا شەڭ­­بەرىندە وسىنداي ورتالىق اشىلدى. وندا ۆولونتەرلىك قوزعالىستىڭ ماق­­ساتى، الەۋمەتتىك باستامالار مەن جو­بالاردى ىسكە اسىرۋداعى ولاردىڭ ءرولى تۋرالى ايتىلدى. سونىمەن بىرگە ۆولونتەرلىك جۇمىستاردىڭ ۇي­لەستىرۋشىسى قحا بولاتىنى دا جەت­كى­زىلدى.

ۆولونتەر دەگەننىڭ ءوزى – جاس­تار­دىڭ قوعامدىق پايدالى ىستەرگە كومەك كور­سەتىپ، قولعابىس تيگىزۋى. كەڭەس وداعى جىلدارىندا وندايدى «تيمۋر قوز­عالىسى» دەپ اتايتىن. جازۋشى اركادي گايدار ويلاپ تاۋىپ، ءوزىنىڭ «تيمۋر جانە ونىڭ كومانداسى» دەگەن كىتابىندا وسى قوزعالىستىڭ قالاي بولۋ كەرەكتىگىن كورسەتكەن. سونى باس­شى­­لىققا العان كەڭەس وداعىنىڭ وقۋ­شى­لارى قارت ادامدارعا، جارىمجان جاندارعا، سوعىس مۇگەدەكتەرىنە كومەك­تەسۋدى، ولاردىڭ وتىنىن جارىپ، سۋىن اكەلىپ بەرۋدى جانە ت.ب. ءۇي شارۋالا­رىن اتقارۋدى قولعا العان. ولار وزدە­رىنىڭ كومەكتەرى ءۇشىن ەشكىمنەن، ەشقانداي اقى تالاپ ەتپەيدى. جۇمىس ىستە­گەننىڭ ءوزى وزىمىزگە پايدالى، ۇيرە­نە­مىز ءارى دەنە قوزعالىستارىن جاسايمىز، ۇيىمشىلدىقتىڭ نە ەكەنىن ءىس جۇزىندە كورەمىز دەگەن ۇراندار بولاتىن. ۆولونتەرلىك دەگەن ءدال وسى قوز­عالىس، بىراق مۇنىڭ قامتۋ اياسى «تي­مۋر­شىلاردان» دا اسىپ كەتكەن. ۆولونتەرلەر جەكە ادامدارعا كومەكتەسۋمەن شەكتەلمەيدى، ولار جالپى قوعامعا، مەملەكەتكە قاجەتتى شارۋالارعا قولعابىس تيگىزەدى. سونىڭ ىشىندە كوشەلەرگە گۇل، اعاش وتىرعىزۋ، ومىردە ءتۇرلى قاعاجۋ كورگەن جاندارعا كومەكتەسۋ، يەسىز قالعان جانۋارلار مەن يتتەرگە، مىسىقتارعا قامقورلىق جاساۋ، ەسىرتكىگە قارسى كۇرەسكە، جاس­وس­پى­رىمدەر اراسىنداعى قىلمىسقا قارسى پروفيلاكتيكالىق شارالار وتكىزۋ، تەگىن كونتسەرتتەر مەن ونەر كورسەتۋ جانە ت.ب. سونىمەن قاتار حالىقارالىق شا­رالار وتكىزىلگەندە قوناقتاردى كۇتۋ، اۋدارماشىلىق قىزمەتتەر ات­قا­رۋ سياقتى ىستەردى اتقارۋعا دا قازىر ۆو­لونتەرلەر قىزۋ ارالاسادى.

 

سولتۇستىك قازاقستان وبلىسى

 

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار