ۋنيۆەرسيتەتتەگى سىبايلاس جەمقورلىقتىڭ الدىن الۋ, قىزمەتكەرلەر مەن ستۋدەنتتەردى جەمقورلىققا قارسى تاربيەلەۋ جانە ءتۇسىندىرۋ شارالارى, سونداي-اق سىبايلاس جەمقورلىققا قارسى ءىس-قيمىل سالاسىنداعى ۆەدومستۆوارالىق ءوزارا ارەكەتتى دامىتۋدى ماقسات ەتكەن ءىس-شارانى «ISO ەنگىزۋ اگەنتتىگى» كونسالتينگتىك كومپانياسىنىڭ ديرەكتورى اناتولي باندۋرو جۇرگىزدى.
رەكتور تاكير بالىقباەۆ اتالعان سەميناردىڭ ماڭىزدىلىعى مەن وزەكتىلىگىن اتاپ ءوتىپ, قىسقى مەكتەپ اياسىندا وتەتىن وقۋ سەمينارلارى بارىسىنا توقتالدى. ونىڭ نەگىزگىسى «حالىقارالىق ستاندارت تالاپتارى نەگىزىندە سىبايلاس جەمقورلىققا قارسى ءىس-قيمىل جۇيەسىن جوبالاۋ» سەمينارى دەپ اتاپ وتكەن رەكتور مەملەكەت باسشىسىنىڭ جانە قر ءبىلىم جانە عىلىم مينيسترلىگىنىڭ العا قويعان مىندەتتەرىن تولىعىمەن قولداي وتىرىپ, ولاردى ىسكە اسىرۋ ءۇشىن ستۋدەنتتەر, وقىتۋشىلار مەن قىزمەتكەرلەر اراسىندا سىبايلاس جەمقورلىققا توزبەۋشىلىك جانە پاراساتتىلىق مادەنيەتتى قالىپتاستىرۋ باعىتىندا جاسالاتىن جۇمىستار جايىنا توقتالدى. ۋنيۆەرسيتەتتە بۇگىندە سىبايلاس جەمقورلىققا قارسى كەڭەس, «پاراسات» ورتالىعىن قۇردىق, ءتيىستى كوميسسيا جۇمىس ىستەيدى. بۇعان قوسا, «حالىقارالىق ISO ستاندارتتارى بويىنشا سىبايلاس جەمقورلىققا قارسى مەنەدجمەنت جۇيەسى» ەنگىزىلۋدە: 51 ادام ارنايى وقۋدان وتەتىن بولادى. باسشىلىق اراسىندا سىبايلاس جەمقورلىققا قارسى تۇسىندىرمە جۇمىستارى جۇرگىزىلدى, بۇدان ءارى وسىنداي شارالار وقىتۋشىلار مەن ستۋدەنتتەر اراسىندا جۇرگىزىلەتىن بولادى.
بيىل تاعى ءبىر ماڭىزدى قادام جاسالدى. سىبايلاس جەمقورلىق فاكتىلەرىنىڭ الدىن الۋ جانە ۋنيۆەرسيتەتتىڭ «اكادەميالىق ادالدىق» كودەكسىن ساقتاۋ ماقساتىندا ستۋدەنتتەر مەن وقىتۋشىلار قۇرامىنان تۇراتىن مونيتورينگ توبى قۇرىلدى. ەمتيحان بارىسىندا «اكادەميالىق ادالدىق» كودەكس ەرەجەلەرىن بۇزعان جانە جەمقورلىق فاكتىلەرىنە جول بەرگەن ستۋدەنت ۋنيۆەرسيتەتتەن شىعارىلادى. سەسسيانىڭ قورىتىندىسى بويىنشا ونىڭ ناتيجەلەرى انىقتالىپ, ءتيىستى شارالار قابىلداناتىن بولادى. ۋنيۆەرسيتەت جەمقورلىق كۇرەس بويىنشا حالىقارالىق ستاندارتتارعا سايكەس بەلسەندى جۇمىس جۇرگىزۋدى جالعاستىراتىن بولادى».
سەمينار بارىسىندا اناتولي باندۋرو ISO زاڭنامالىق بازانىڭ ءنورماتيۆتى ولشەمدەرى مەن ستاندارتتالعان تالاپتارى تۋرالى ايتتى. سونىمەن ISO 37001: 2016 حالىقارالىق ستاندارتى سىبايلاس جەمقورلىق تاۋەكەلدەرىن باعالاۋ, ISO ستاندارتىنىڭ قۇرىلىمىنا تالداۋ جاساۋ, ۋنيۆەرسيتەتتە سىبايلاس جەمقورلىققا قارسى مەنەدجمەنت جۇيەسىن ەنگىزۋ جانە جەتىلدىرۋ, جۇيەنى جانە ونىڭ پروتسەستەرى مەن ەلەمەنتتەرىن جوبالاۋعا قويىلاتىن تالاپتاردى كۇشەيتەدى. سونداي-اق حالىقارالىق ISO ستاندارتتارىنا سايكەس سىبايلاس جەمقورلىققا قارسى مەنەدجمەنت جۇيەسىن قۇرۋدىڭ 4 كەزەڭى - جۇيەلىك تالاپتاردى قالىپتاستىرۋ; سجقمج قۇرۋ; سجقمج تالاپتارعا سايكەستىگىن تەكسەرۋ; ۇزدىكسىز جەتىلدىرۋمەن سجقمج جۇمىسى تۋرالى ايتىلدى.
