وعان ش.شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ عالىمدارى مەن ماماندارى جانە نازارباەۆ ۋنيۆەرسيتەتتىڭ, ل.ن.گۋميلەۆ اتىنداعى ەۋرازيا ۇلتتىق, قازاق بيزنەس جانە تەحنولوگيا ۋنيۆەرسيتەتتەرىنىڭ, ەۋرازيا گۋمانيتارلىق ينستيتۋتىنىڭ عالىمدارى قاتىستى. سونىمەن قاتار ونلاين-رەجىمدە الماتى قالاسىنان ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ عالىمدارى دا بايلانىسقا شىقتى.
العاشقى بولىپ سويلەگەن مادەنيەت جانە سپورت ۆيتسە-ءمينيسترى نۇرعيسا داۋەشوۆ جيىننىڭ ماقساتى پرەزيدەنتتىڭ ۇلتتىق قوعامدىق سەنىم كەڭەسىندە ءتىل رەفورماسى جايلى ايتقان ويلارىنان ورىستەيتىن باستامالاردى ايقىنداۋ ەكەنىن ايتتى. ءارى قاراي ءسوز كەزەگىن عالىمدار الىپ, رەفورمالاۋ جايلى كوزقاراستارى مەن پىكىرلەرىمەن ءبولىستى.
پرەزيدەنت ۇلتتىق قوعامدىق سەنىم كەڭەسىنىڭ جيىنىندا لاتىن الىپبيىنە كوشۋ ماسەلەسىندە اسىعىستىققا جول بەرىلمەيتىنىن ايتقان ەدى. ءارى «قازاق ءتىلىن رەفورمالاۋ كەرەك» دەگەن تىڭ يدەياسىن ورتاعا تاستاعان. كەشەگى جيىندا ء«تىل-قازىنا» ۇلتتىق عىلىمي-پراكتيكالىق ورتالىعى ورفوگرافيا باسقارماسىنىڭ باسشىسى گۇلفار مامىربەك وتكەن عاسىردا تىلىمىزگە ءۇش رەت رەفورما جاسالعانىن ايتا كەلىپ, رەفورما جاساۋدا ناۋقانشىلدىققا, اسىرەتوڭكەرىسشىلدىككە, اسىعىستىققا جول بەرىلمەۋ جاعىنا ەرەكشە توقتالدى. فيلولوگيا عىلىمدارىنىڭ دوكتورى قۇرالاي كۇدەرينا ءوز بايانداماسىندا جازۋ ءتىلى مەن سويلەۋدىڭ بايلانىستىلىعىنا كوڭىل اۋداردى. جازۋدا ىلىك جالعاۋىن, جاتىس سەپتىگىنىڭ جالعاۋىن جانە كوپتىك جالعاۋىن كوپ پايدالاناتىنىمىزدى ايتىپ, رەفورمالاۋ بارىسىندا قازاق ءتىلىنىڭ ءسوز جاسامىن ارتىق فورمالاردان تازارتۋ نازارعا الىنسا دەگەن ۇسىنىسىن ءبىلدىردى. ول سونداي-اق قازىرگى وقۋلىقتاردىڭ تىلىنە دە سىن ايتتى. ء«بىز قاراپايىم نارسەنى ءتۇسىندىرۋ ءۇشىن كۇردەلى سويلەمدەر قۇراستىرامىز», دەگەن عالىم قازاقشا ءسوز ساپتاۋدى ۇسىندى.
بەلگىلى لينگۆيست انار فازىلجان پرەزيدەنت تاپسىرماسىنىڭ ناۋقانعا اينالىپ كەتپەۋىنە ءمان بەردى. ونىڭ بايانداماسى نەگىزىنەن فيلولوگيالىق ءبىلىم بەرۋدى جاڭعىرتۋعا ارنالدى. «بىزدە فيلولوگيا بويىنشا ساۋساقپەن سانارلىقتاي عانا ماماندىقتار بار. ال ءوزىمىز ۇنەمى مىسال كەلتىرىپ ۇيرەنگەن كورشى رەسەيدەگى لومونوسوۆ ۋنيۆەرسيتەتىندە فيلولوگيا بويىنشا 42 ماماندىق بار», – دەدى ول. عالىم ەلىمىزدە فيلولوگيالىق ءبىلىم بەرۋدىڭ كلاسسيكالىق ادىسكە نەگىزدەلگەنىن ايتا كەلىپ, ول ءادىستىڭ زامان تالابىنا ساي وزگەرۋى قاجەتتىگىن, ياعني, كوممۋنيكاتيۆتىك ءبىلىم بەرۋ العا شىعۋى قاجەتتىگىن اتاپ ءوتتى.
جيىن بارىسىندا كوپتەگەن عالىمداردىڭ باياندامالارى, ۇسىنىستارى مەن جوبالارى تىڭدالىپ, تالقىلاندى. اسىرەسە كوممۋنيكاتيۆتىك ءبىلىم بەرۋ, ىقشامدالۋ ۇدەرىستەرى, ءسوز جاسام, ادەبي نورما ماسەلەلەرىنە قاتىستى كوپتەگەن پىكىرلەر ايتىلدى. باستىسى, ءتىلدى رەفورمالاۋعا قاتىستى وزەكتى ماسەلەلەردى ءتىلدىڭ ءوز ماماندارى ايتتى.
