«استانا جاستارى» جرو ەرىكتىلەر قوزعالىسىن دامىتۋ ءبولىمىنىڭ جەتەكشىسى ەلۆيرا ەسمۇقانوۆا بۇگىنگى شارا اياسىندا 11 ارداگەرگە ازىق-ت ۇلىك سەبەتى تاراتىلعانىن اتاپ ءوتتى.
«جاڭا جىل قارساڭىندا «ارداگەرلەردى ارداقتايىق» جانە «ادرەسا زابوتى» اكتسيالارىن وتكىزۋدى ءجون كوردىك. بۇل اكتسيانى ءبىز 3 جىل بويى تۇراقتى ۇيىمداستىرىپ كەلەمىز. شارا اياسىندا ەرىكتىلەر جالعىز باستى نەمەسە قاراۋسىز قالعان قارت ارداگەرلەرگە ازىق-ت ۇلىك تاراتادى جانە قىستىگۇنى اۋلا قارىن تازالاۋعا كومەكتەسەدى. بۇگىن ءبىز 11 ارداگەرگە ازىق-ت ۇلىك سەبەتىن سىيعا تارتتىق. ولاردىڭ اراسىندا از قامتىلعان جانە تىل ارداگەرلەرى بار. جالپى جىل باسىنان ازىق-ت ۇلىك تاراتۋ جۇمىسىنا 200 ەرىكتى قاتىستى», - دەدى ەلۆيرا ەسمۇقانوۆا.
ءبولىم جەتەكشىسىنىڭ ايتۋىنشا, جالپى بيىلدىققا 145 ازىق-ت ۇلىك سەبەتى از قامتىلعان, تىل ارداگەرلەرى جانە كوپبالالى وتباسىلارعا تاراتىلعان.
«بىزدە قالالىق ارداگەرلەر كەڭەسى بار, ولارمەن تىعىز بايلانىستامىز. ياعني اتالعان كەڭەس بىزگە كومەككە مۇقتاج جانداردىڭ ءتىزىمىن بەرەدى, ءبىز ءوز كەزەگىمىزدە ولارعا قول ۇشىن سوزامىز. بىرەۋگە ازىق-ت ۇلىك الىپ بەرسەك, ەكىنشىسىنە ءۇي اۋلاسىنداعى قاردى تازالاۋعا كومەكتەسەمىز. ادەتتە قار تازالاۋ جۇمىسىمەن ناۋرىز ايىندا اينالىساتىنبىز. دەگەنمەن, قار كوپ ءتۇسىپ جاتقاندىقتان جۇمىس كولەمىن ازايتۋ ءۇشىن وسى باستان كىرىستىك. قار تازالاۋ جۇمىسىنا قىس بويى 600-700 ەرىكتىنى تارتامىز», - دەدى ەلۆيرا ەسمۇقانوۆا.
