الەم • 17 جەلتوقسان، 2019

مادريدتە ازيا مەن ەۋروپا ەلدەرى اراسىنداعى ارىپتەستىكتى تەرەڭدەتۋ پەرسپەكتيۆالارى تالقىلاندى

12 رەت كورسەتىلدى

قازاقستان سىرتقى ىستەر ءمينيسترى مۇحتار تىلەۋبەردى «ازيا-ەۋروپا» فورۋمىنا قاتىسۋشى ەلدەردىڭ سىرتقى ىستەر مينيسترلەرىنىڭ 14-ءشى كەڭەسىنە (سىمك) قاتىستى. ءىس-شاراعا 51 ازيا مەن ەۋروپا، سونداي-اق ەو مەن اسەان ەلدەرىنىڭ سىرتقى ساياسي ۆەدومستۆولارىنىڭ باسشىلارى قاتىستى.

ازيا مەن ەۋروپا اراسىنداعى تۇراقتى ءوزارا بايلانىستى قۇرۋعا ارنالعان پلەنارلىق سەسسيادا سويلەگەن سوزىندە مينيستر م. تىلەۋبەردى قازاقستاننىڭ كوپۆەكتورلى سىرتقى ساياساتىنىڭ نەگىزگى باعىتتارى تۋرالى ايتىپ ءوتتى. اتاپ ايتقاندا، قازاقستان ءسىم باسشىسى قازاقستان تاراپى قر پرەزيدەنتى قاسىم-جومارت توقاەۆتىڭ مەملەكەتتىك ساياساتىنىڭ باسىمدىقتارىنا سايكەس قولعا العان كۇش-جىگەرى تۋرالى ايتىپ بەردى. قازىرگى ۋاقىتتا «نۇرلى جول» مەملەكەتتىك باعدارلاماسى مەن «بەلدەۋ جانە جول» باستاماسى اياسىندا ينفراقۇرىلىمدىق جوبالار تابىستى جۇزەگە اسىرىلۋدا.

ەكسپو-2017 تابىستى وتكىزۋ جانە حالىقارالىق جاسىل تەحنولوگيالار ورتالىعىن جانە ينۆەستيتسيالىق جوبالاردى ىسكە قوسۋ كونتەكسىندە «جاسىل ەكونوميكاعا» كوشۋ تاقىرىبىنا ەرەكشە نازار اۋدارىلدى. ازيا مەن ەۋروپا اراسىنداعى قارجى جانە تەحنولوگيالىق جەلىلەردى دامىتۋ ماقساتىندا «استانا» حالىقارالىق قارجى ورتالىعى، «Astana Hub» حالىقارالىق IT ستارتاپ پاركى جانە نازارباەۆ ۋنيۆەرسيتەتى سياقتى قازاقستاندىق باستامالاردى پايدالانۋدى ۇسىندى.

سىمك اياسىندا قاتىسۋشىلار حالىقارالىق ساياساتتىڭ، سونىڭ ىشىندە يادرولىق تاراتپاۋ، كيبەرقاۋىپسىزدىك، سيريا مەن اۋعانستانداعى جاعداي جانە كليماتتىڭ وزگەرۋى سالاسىنداعى وزەكتى ماسەلەلەرى بويىنشا پىكىر الماستى.

كەزدەسۋ قورىتىندىسى بويىنشا اسەم توراعاسىنىڭ مالىمدەمەسى قابىلداندى، وندا اسەم قاتىسۋشى ەلدەردىڭ سىرتقى ىستەر مينيسترلەرى ازيا مەن ەۋروپا ەلدەرى اراسىنداعى ءوزارا بايلانىس پەن ءوزارا ءتيىمدى ىنتىماقتاستىقتى ودان ءارى نىعايتۋعا ىقپال ەتۋ نيەتىن راستادى. قاتىسۋشىلار قر تۇڭعىش پرەزيدەنتى – ەلباسى نۇرسۇلتان نازارباەۆتىڭ «G-Global» باستاماسىن ازيا مەن ەۋروپا اراسىنداعى ءوزارا بايلانىستى نىعايتۋ ءۇشىن كوممۋنيكاتسيالىق پلاتفورما رەتىندە اتاپ ءوتتى.

مينيسترلەر مالىمدەمەسىندە سونداي-اق 2020 جىلعى ماۋسىمدا نۇر-سۇلتاندا جاھاندىق ساۋدا جۇيەسىن نىعايتۋ ءۇشىن ايتارلىقتاي ناتيجەلەر بەرەتىن دسۇ-نىڭ 12-ءشى مينيسترلىك كونفەرەنتسياسىن وتكىزۋدىڭ ماڭىزدىلىعىن اتاپ ءوتتى.

«ازيا-ەۋروپا» فورۋمى (اسەم) 1996 جىلعى 1 ناۋرىزدا بانگكوك قالاسىندا (تايلاند) قۇرىلعان. قازىرگى ۋاقىتتا اسەم قۇرامىنا ازيا مەن ەۋروپانىڭ 51 مەملەكەتى، سونداي-اق ەو جانە اسەان حاتشىلىعى كىرەدى. نەگىزگى ماقسات - ازيا مەن ەۋروپا اراسىنداعى ديالوگ پەن ىنتىماقتاستىقتى دامىتۋ. اسەم شەڭبەرىندە ءوزارا ءىس-قيمىل ءۇش باعىت بويىنشا جۇزەگە اسىرىلادى: ساياسات جانە قاۋىپسىزدىك، ەكونوميكا جانە قارجى، ءبىلىم جانە الەۋمەتتىك-مادەني سالا.

سوڭعى جاڭالىقتار

ۇقساس جاڭالىقتار