جاستايىنان تۇرار جالشىلىقتا ءجۇرiپ, بايلاردىڭ مالىن باقتى. 1907 جىلى قىرعىزباەۆ دەگەن جالعان تەك الىپ مەركiدەگi بۇراتانالارعا ارنالعان ورىسشا-قازاقشا باستاۋىش مەكتەپكە تۇسەدi. 1910-1914 جىلدارى بiشكەكتەگi اۋىلشارۋاشىلىق مەكتەبiندە وقيدى. 1916 جىلى تاشكەنتتەگi مۇعالiمدەر ينستيتۋتىنا قابىلدانادى. بiراق ونى اياقتاي المايدى. قازاقستان مەن ورتا ازيادا ۇلت-ازاتتىق كوتەرiلiسi بۇرق ەتە قالىپ, ت.رىسقۇلوۆ سوعان بەلسەنە اتسالىسادى. اۋليەاتاداعى كوتەرiلiستiڭ ۇيىمداستىرۋشىسى رەتiندە تۇتقىنعا تۇسەدi. ودان قۇتىلىپ شىققاننان كەيiن دە ءوزiنiڭ يدەيالىق ماقساتىنان اينىمايدى.
1917-1918 جىلدارى اۋليەاتا ۋەزدiك سوۆدەپi اتكومىنىڭ توراعاسى بولادى. ودان ءارi تۇركiستان دەنساۋلىق ساقتاۋ حالكومى, تۇركiستان واك توراعاسىنىڭ ورىنباسارى, توراعاسى, رسفسر ۇلت iستەرi كوميسسارياتىنىڭ قىزمەتكەرi, القا مۇشەسi, حالكومنىڭ ەكiنشi ورىنباسارى بولىپ iستەيدi.
1924-1926 جىلدارى كومينتەرن اك ورتا-شىعىس ءبولiمi مەڭگەرۋشiسiنiڭ ورىنباسارى, سونىمەن قاتار 1924 جىلدىڭ ورتاسىنان 1925 جىلدىڭ شiلدەسiنە دەيiن كومينتەرننiڭ موڭعولياداعى ۋاكiلi, 1926 جىلى بك(ب)پ قازاق ولكەلiك كوميتەتi ءباسپاسوز ءبولiمiنiڭ مەڭگەرۋشiسi جانە ولكەلiك “ەڭبەكشi قازاق” گازەتiنiڭ جاۋاپتى رەداكتورى قىزمەتتەرiن اتقاردى. 1926 جىلدىڭ ماۋسىمىنان 1937 جىلدىڭ شiلدەسiنە دەيiن رسفر حالكومسوۆى توراعاسىنىڭ ورىنباسارى بولىپ, رەپرەسسياعا ۇشىرادى.
