اكەسi ومارحان مەن اتاسى اۋەز ساۋاتتى كiسiلەر بولعان. التى جاسىنان ابايدىڭ ولەڭدەرiن جاتتاپ وسكەن. 1908 جىلى سەمەيدەگi كاماليددين حازiرەت مەدرەسەسiندە وقىپ, ودان ورىس مەكتەبiنiڭ دايىندىق كۋرسىنا اۋىسادى. 1910 جىلى بەس كلاستىق ورىس ۋچيليششەسiنە تۇسەدi. وسى جەردە وقىپ ءجۇرiپ “داۋىل” اتتى العاشقى شىعارماسىن جازادى. 1915 جىلى سەمەي قالالىق مۇعالiمدەر سەمينارياسىنا قابىلدانادى. وقىپ جۇرگەندە شاكارiم قۇدايبەردi ۇلىنىڭ “جولسىز جازا” داستانى نەگiزiندە “ەڭلiك -كەبەك” پەساسىن جازىپ, ونى 1917 جىلى ماۋسىم ايىندا ويقۇدىق دەگەن جەردە تiركەستiرiپ تiككەن كيiز ءۇي ساحناسىنا شىعارادى.
1918 جىلى م.اۋەزوۆ سەمەي قالاسىنىڭ وكiلi رەتiندە ومبى قالاسىندا وتكەن جالپى قازاق جاستارىنىڭ قۇرىلتايىنا قاتىسىپ, ونىڭ ورتالىق اتقارۋ كوميتتiنiڭ مۇشەسi بولىپ سايلانادى. قۇرىلتايدا “الاشوردا” ۇكiمەتi مەن الاش قوزعالىسىنىڭ باعىتىن ۇستانعان “جاس ازامات” اتتى بۇكiلقازاقستاندىق جاستار ۇيىمى قۇرىلادى. ۇيىمنىڭ بەلسەندi مۇشەسi بولا ءجۇرiپ, “اباي” عىلىمي-كوپشiلiك جۋرنالىن شىعارۋعا (ج.ايماۋىتوۆپەن بiرiگiپ) اتسالىسادى.
1919 جىلى – سەمەي گۋبرەۆكومىنىڭ جانىنان اشىلعان قازاق ءبولiمiنiڭ قىزمەتكەرi, 1920 جىلدىڭ اقپانىنان ءبولiم مەڭگەرۋشiسi. “قازاق تiلi” گازەتiنiڭ رەسمي شىعارۋشىسى بولىپ تاعايىندالادى. 1921 جىلى سەمەي وبلرەۆكومىنىڭ تورالقا مۇشەسi, اتقارۋ كوميتەتiنiڭ توراعاسى قىزمەتiن اتقارادى. 1921 جىلعى قاراشا ايىندا قازاق اكسر-i واك-نiڭ تورالقا مۇشەلiگiنە سايلانىپ, وندا ساياسي حاتشى مiندەتiن اتقارىپ, كادر ماسەلەسiمەن اينالىسادى. مۇحاڭنىڭ “ەڭبەكشi قازاق” گازەتiنە باسشىلىق جاسايتىن تۇسى دا وسى كەزەڭمەن دالمەدال كەلەدi. ۇلتتىق تەڭسiزدiك پەن ساۋاتسىزدىقتى, اشتىقتى جويۋ جونiندەگi اشىق پiكiرi مەن شىعارمالارى ءۇشiن “ۇلتشىل, الاشورداشىل” اتانىپ, ساياسي ساحنادان شەتتەتۋ باستالعان تۇستا مۇحاڭ بiرىڭعاي شىعارماشىلىق جۇمىسپەن اينالىسۋعا كوشەدi. عىلىمي جۇمىستاردى دا قولعا الادى.
1930 جىلى يدەيالىق كوزقاراسى ءۇشiن تۇتقىنعا الىنادى. تەرگەۋ ۇزاققا سوزىلىپ, 1932 جىلعى ءساۋiر ايىندا ءۇش جىلعا شارتتى تۇردە باس بوستاندىعىنان ايىرۋ تۋرالى ۇكiم شىعارىلادى. وسى جىلعى 10 ماۋسىم كۇنگi “سوتسياليستiك قازاقستان” جانە “كازاحستانسكايا پراۆدا” گازەتتەرiندە م.اۋەزوۆتiڭ “اشىق حاتى” جاريالانادى. وندا مۇحاڭ ءوزiنiڭ قازاق ادەبيەتiنiڭ تاريحى جانە اباي تۋرالى زەرتتەۋلەرiنەن, “قاراگوز”, “ەڭلiك-كەبەك”, “حان كەنە”, “قيلى زامان” سياقتى شىعارمالارىنان باس تارتاتىنىن مالiمدەۋگە ءماجبۇر بولدى. سونان كەيiن عانا ول تۇرمەدەن بوساتىلىپ, وقىتۋشىلىق جۇمىسپەن اينالىسۋىنا رۇقسات الدى.
م.اۋەزوۆ – ۇلى جازۋشى, قوعام قايراتكەرi, عۇلاما عالىم. مەملەكەتتiك, لەنيندiك سىيلىقتاردىڭ لاۋرەاتى. بiرنەشە وردەندەردiڭ يەگەرi. ول 1961 جىلى 27 ماۋسىمدا ماسكەۋ قالاسىنداعى كرەمل اۋرۋحاناسىندا وپەراتسيا كەزiندە قايتىس بولدى.
