قوعام • 12 جەلتوقسان، 2019

ستيپەنديا كوتەرىلەدى

64 رەتكورسەتىلدى

مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس، ستۋدەنتتەردىڭ شاكىرتاقىسى 2020 جىلدىڭ قاڭتار ايىنان باستاپ 25 پايىزعا كوتەرىلەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ستيپەنديانى كوتەرۋ جانە جوو-داعى ماسەلەلەر ءسوز بولعان بريفينگتە حابارلادى.

پرەزيدەنت جاستار جىلىنىڭ جابىلۋ جانە ۆولونتەر جىلى­نىڭ اشىلۋ سالتاناتىندا 2020 جىلدىڭ 1 قاڭتارىنان باس­تاپ باكالاۆريات، ماگيسترا­تۋرا جانە دوكتورانتۋرا ستۋدەنت­تەرىنىڭ ستيپەندياسىن 25 پايىزعا كوتەرۋدى ۇكىمەتكە جۇكتەگەن بولاتىن. «بيىل قىركۇيەكتەن باس­تاپ جۇمىسشى ماماندىقتارى بو­يىنشا ءبىلىم الاتىن 122 مىڭ ستۋدەنتتىڭ ستيپەندياسى 30 پايىزعا كوتەرىلدى. 2020 جىلدىڭ 1 قاڭتارىنان باستاپ ۇكىمەتكە ارنايى ورتا ءبىلىم الاتىن كوللەدج ستۋدەنتتەرىنىڭ دە ستيپەندياسىن  25 پايىزعا ارتتىرۋدى تاپسىرامىن»، دەدى ق.توقاەۆ.

وسىدان سوڭ ىلە-شالا ۇيىم­داستىرىلعان شاعىن جيىندا مينيستر ا.ايماعامبەتوۆ ستۋ­دەنت­تەردىڭ ستيپەندياسىن كوتە­رۋگە رەسپۋبليكالىق بيۋدجەت­تەن قوسىمشا قاراجات بولىنەتى­نىن جەتكىزدى. «مەملەكەت باسشى­سىنىڭ تاپسىرماسى ۋاقىتىندا ورىندالادى. ارينە وعان قوماقتى قاراجات قاجەت. ايتالىق، ءبىر جىلدا جوو ستۋدەنتتەرىنە 13 ملرد تەڭگە قارجى كەرەك. ەندى وعان كوللەدج ستۋدەنتتەرىن قوس­ساق، تاعى 5-6 ملرد تەڭگە قاجەت بولادى. البەتتە، تۇپتەپ كەلگەندە اي­تار­لىقتاي سوما شىعادى. دەگەنمەن، بۇل ماڭىزدى شەشىم. ستۋدەنتتەر وسى جاڭالىقتى كوپ كۇتتى. ءبىزدىڭ ستۋدەنتتەر ءۇشىن بۇل – ۇلكەن قولداۋ»، دەدى ۆەدومستۆو باسشىسى.

ايتا كەتەيىك، جاعىمدى جاڭا­لىق بارلىق ستۋدەنتتەردى قۋانت­پاق. سەبەبى جوعارى وقۋ ورنىنداعى باكالاۆريات، ماگيستراتۋرا، دوك­تورانتۋرانى قوسا العاندا ىزدەنۋشىلەر اراسىندا جوعارى دارەجەلى ستيپەنديا الاتىن ستۋدەنتتەر دە بار. بۇدان بولەك، مۇگەدەك، اسىراۋ­شىسىنان ايىرىلعان جاندار دا قوسىلادى. دەمەك، ەلىمىز­دىڭ بارلىق ستۋدەنتتەرى جاڭا جىل­دان باستاپ بيىلعىدان 25 پايىزعا كوپ ستيپەندياعا قول جەتكىزەدى.

ءباسپاسوز جيىنىندا جوو-لار­داعى ماسەلەلەر دە ءسوز بولدى. مەملەكەت باسشىسى قاسىم-جومارت توقاەۆ حالىققا جول­داۋىندا ءبىلىم بەرۋمەن ەمەس، ديپ­لوم ساتۋمەن اينالىساتىن ۋني­ۆەرسيتەتتەردى قاتاڭ سىنعا الىپ، ەلىمىزدەگى جوو-لار سانىن قىسقارتۋ كەرەكتىگىن ايتقان ەدى. ق.توقاەۆتىڭ تاپسىرماسىنان كەيىن مينيستر ا.ايماعامبەتوۆ تەكسەرىستىڭ باستالىپ كەتكەنىن جانە ۋنيۆەرسيتەتتەرگە ليتسەنزيا­نى مينيسترلىك بەرەتىندىكتەن، ايىرۋعا دا وسى ۆەدومستۆونىڭ ۋاكىلەتتى ورگان بولاتىنىن ەسكە سالعان-دى. سونداي-اق جابىلعان جوو-لارداعى ستۋدەنتتەردىڭ مۇنداي ماسەلەدە زيان شەكپەۋى جان-جاقتى قاراستىرىلاتىنىن ايتقان. ال وسى بريفينگتە ۆەدومستۆو باسشىسى بۇعان دەيىنگى تەك­سەرىستىڭ قورىتىندىسى بويىنشا 5 جوو-نى ليتسەنزياسىنان ايىرۋدى جوسپارلاپ وتىرعانىن جەتكىزدى. «ەستەرىڭىزدە بولسا، قارا­شا ايىندا شىمكەنتتەگى ايماق­تىق الەۋمەتتىك-يننوۆا­تسيالىق ۋنيۆەرسيتەتى، پاۆلودار­داعى يننوۆاتسيالىق ەۋرازيا ۋني­ۆەرسيتەتى، «الماتى» ۋنيۆەر­سيتەتى، وسكەمەندەگى قازاق­ستان-امەريكا ەركىن ۋنيۆەرسيتەتى جانە اقتوبەدەگى قازاق-ورىس حالىق­ارالىق ۋنيۆەرسيتەتى ليتسەن­زياسىنىڭ جۇمىسى توقتاتىلعان بولاتىن. قازىر ءبىز قوسىمشا تەك­سەرىس جۇرگىزىپ جاتىرمىز جانە ونىڭ ناتيجەسىمەن جاقىندا تاعى بەس جوو-نىڭ ليتسەنزيا­سىن توقتاتۋ تۋرالى شەشىم شىعاردىق. ولار زاڭعا سايكەس بۇل شەشىمگە 10 كۇن ىشىندە شاعىم تۇسىرۋگە قۇقىلى. ەگەر شاعىمدانۋ نەمەسە سوتتا باسقا شەشىم بولماسا، ءبىز قانداي جوو-لار ەكەنىن ايتا الامىز»، دەدى ءبىلىم جانە عىلىم ءمينيسترى.

بۇدان بولەك، بريفينگتە ۋنيۆەرسيتەتتەردەگى قوردالانعان، كوپ كۇتتىرمەي شەشىمىن تابۋدى قاجەت ەتەتىن ماسەلەلەر دە ايتىلدى. ونىڭ ءبىرىن ا.ايماعامبەتوۆ اشىق اتادى. ء«بىز ءبىرىنشى كۋرسقا بەس ستۋدەنت قابىلدانىپ، اياعىندا 150-گە جۋىعىنىڭ بىتىرگەنى تۋرالى فاكتىلەردى كورىپ وتىرمىز. ەكىنشى، ءۇشىنشى كۋرستا ءجون-جوسىقسىز جۇمىس ىستەيتىن جوو-لار باسقا ۋنيۆەرسيتەتتەردىڭ وقۋدان شىعارىلعان ستۋدەنتتەرىن جينايدى. پرەزيدەنتتىڭ تاپسىرماسىنا سايكەس، ءبىز جوعارى وقۋ ورىندارىنا قويىلاتىن تالاپتاردى كۇشەيتتىك، جوعارى ءبىلىم بەرۋ سالاسىندا ءتارتىپ ورناتۋ ءۇشىن قوسىمشا تەتىكتەر ەنگىزىلەدى»، دەدى ول.

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

الماتى جاسىل قالاعا اينالادى

ەكولوگيا • 17 قاڭتار، 2020

ۇقساس جاڭالىقتار