پارلامەنت • 10 جەلتوقسان، 2019

قازاقستان مەن رەسەي سەناتورلارى ءوزارا ءىس-قيمىلدىڭ باسىم باعىتتارىن انىقتادى

10 رەتكورسەتىلدى

قازان قالاسىندا قازاقستان رەسپۋبليكاسى پارلامەنتى سەناتى حالىقارالىق قاتىناستار، قورعانىس جانە قاۋىپسىزدىك كوميتەتى مەن رەسەي فەدەراتسياسى فەدەرالدىق جينالىسى  فەدەراتسيا كەڭەسى حالىقارالىق ىستەر جونىندەگى كوميتەتىنىڭ جانە قورعانىس جانە قاۋىپسىزدىك جونىندەگى كوميتەتىنىڭ بىرلەسكەن وتىرىسى بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

وتىرىسقا قاتىسۋشىلار ورتالىق ازيا ايماعىنداعى قازىرگى جاعدايدى، اتاپ ايتقاندا حالىقارالىق پارلامەنتتىك ۇيىمدارداعى جۇمىستى ۇيلەستىرۋدى، قازاقستان-رەسەي شەكاراسىنداعى وتكىزۋ بەكەتتەرىندەگى ينفراقۇرىلىمدى دامىتۋدى، جايىق وزەنىنىڭ ەكوجۇيەسىن ساقتاۋ ماسەلەلەرىن، سونداي-اق مادەني-گۋمانيتارلىق ءوزارا ءىس-قيمىلدى تالقىلادى.

كوميتەت توراعاسى مۇحتار قۇل-مۇحاممەد ءوز سوزىندە ورتالىق ازيا مەملەكەتتەرىنىڭ باسشىلارى ايماقتىق ىنتىماقتاستىقتىڭ نەگىزگى باسىمدىقتارى مەن ءوزارا قارىم-قاتىناستىڭ بارلىق باعىتتارىنداعى ارىپتەستىكتى كەڭەيتۋ جوسپارلارىن بەلگىلەنگەنىن اتاپ ءوتتى.

سەناتور ايماقتاعى كورشى ەلدەرمەن جان-جاقتى جانە ءوزارا ءتيىمدى بايلانىستاردى دامىتۋ قازاقستاننىڭ سىرتقى ساياساتىنىڭ باسىمدىعى بولىپ تابىلاتىنىن، تاياۋدا ەكى مەملەكەت باسشىلارى قاسىم-جومارت توقاەۆ پەن ۆلاديمير ءپۋتيننىڭ قاتىسۋىمەن ومبى قالاسىندا وتكەن وتكەن فورۋمنىڭ قورىتىندىسى وعان دالەل ەكەنىن اتاپ ءوتتى.

كوميتەت باسشىسى سونداي-اق ورتالىق ازيا مەملەكەتتەرى ءوزارا قۇرمەت پەن سەنىم قاعيداتتارىنا نەگىزدەلگەن تىعىز تاتۋ كورشىلىك قارىم-قاتىناستارىن قالىپتاستىرۋعا ۇمتىلۋ مەن وڭىردەگى وزەكتى ماسەلەلەردى شەشۋدە بىرلەسكەن كۇش-جىگەردى ۇيلەستىرۋدى بەلگىلەگەنىن اتاپ ءوتتى.

بىرلەسكەن وتىرىسقا قازاقستان تاراپىنان سەناتورلار تولەۋبەك مۇقاشەۆ، قايرات قوجامجاروۆ، تالعات مۇساباەۆ، دانا نۇرجىگىتوۆا جانە نۇرجان نۇرسيپاتوۆ قاتىستى.

79

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار