الماتى قالاسى پوليتسيا دەپارتامەنتىنىڭ ءباسپاسوز قىزمەتى اتالعان مالىمەتتەر شىندىققا سايكەس كەلمەيتىنىن جانە فاكتىلەردىڭ بۇرمالانعانىن حابارلادى.
«جەر مەن تابيعي رەسۋرستارعا قاتىستى نورمالار ەشقانداي وزگەرىسكە ۇشىراعان جوق جانە قازاقستان رەسپۋبليكاسىنىڭ قولدانىستاعى كونستيتۋتسياسىنىڭ تالاپتارىنا تولىقتاي سايكەس كەلەدى. اتالعان اقپاراتتى تاراتۋ فاكتىلەرى قۇقىقتىق تۇرعىدان باعالاندى. الماتى قالاسىنىڭ اۋداندىق اكىمشىلىك سوتىنىڭ قاۋلىسىمەن ا. ەسىمدى ازامات جالعان اقپارات تاراتقانى ءۇشىن كىنالى دەپ تانىلىپ, 20 اەك مولشەرىندە اكىمشىلىك ايىپپۇل ارقالادى», دەلىنگەن حابارلامادا.
الماتى قالاسىنىڭ پوليتسيا دەپارتامەنتى ازاماتتار مەن مەديا قاۋىمداستىق وكىلدەرىن تەك رەسمي جانە تەكسەرىلگەن اقپارات كوزدەرىن پايدالانۋعا شاقىرادى, سونداي-اق جالعان اقپاراتتى جاريا كەڭىستىكتە تاراتۋدىڭ قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە اكەپ سوعاتىنىن ەسكە سالادى.
جالعان اقپارات: الماتىداعى مەكتەپتەرگە تەرروريستىك شابۋىل جاسالۋى مۇمكىن
ايتا كەتەيىك, كەشە الەۋمەتتىك جەلىلەردە قازاقستان جەرىن شەتەلدىكتەرگە ساتۋ تۋرالى اقپارات تاراعان ەدى. الايدا, جالعان اقپاراتقا قارسى ءىس-قيمىل ورتالىعى قازاقستان جەرىن شەتەلدىكتەرگە ساتۋ تۋرالى تاراعان اقپاراتتىڭ شىندىققا جاناسپايتىنىن, فاكتىلەردىڭ بۇرمالانعانىن مالىمدەدى.
