بۇل – روبوتتىڭ بۇكىل دەنەسىن ءبىر مەزەتتە باسقارۋعا قابىلەتتى العاشقى كەشەندى مي. الدىڭعى نۇسقالار روبوتتىڭ تەك جوعارعى بولىگىنىڭ قوزعالىسىن باسقارسا, «Helix 02» ءجۇرۋ, زاتتاردى ۇستاۋ, قوزعالىستى ۇيلەستىرۋ, تەپە-تەڭدىكتى ساقتاۋ فۋنكتسيالارىن ءبىرتۇتاس اۆتونومدى جۇيەگە بىرىكتىرەدى.
سونىڭ ارقاسىندا روبوت ءار ارەكەتتى بولەك باسقارماي, قورشاعان ورتاعا بەيىمدەلە وتىرىپ, ۇزدىكسىز جۇمىس ىستەي الادى. جاڭا جۇيەنىڭ مۇمكىندىگى تاجىريبە بارىسىندا دالەلدەندى. «Helix 02» ارقىلى باسقارىلاتىن «Figure» گۋمانويد روبوتى ىدىس جۋاتىن ماشينانى تولىق اۆتونومدى رەجيمدە نەبارى ءتورت مينۋت ىشىندە بوساتىپ, قايتا تولتىرعان. بۇل ۇدەرىس بارىسىندا روبوت 61 ءبىرىزدى ارەكەتتى ادام كومەگىنسىز ورىنداعان.
كومپانيا وكىلدەرىنىڭ مالىمەتىنشە, «Helix 02» گۋمانويد روبوتتاردى تۇرمىستا جانە وندىرىستە كەڭىنەن قولدانىلادى. جۇيە روبوتتىڭ قوزعالىسىن ءدال ۇيلەستىرىپ قانا قويماي, ونىڭ دەربەس شەشىم قابىلداۋ قابىلەتىن دە ايتارلىقتاي ارتتىرادى.
