اتاپ ايتقاندا, قازاقستانعا 2026 جىلدىڭ سوڭىنا دەيىن 100 مىڭ تونناعا دەيىنگى كولەمدە شيكى قانت يمپورتىنا كەدەندىك اكەلۋ باجىن نولدەۋ تۋرالى شەشىم قابىلداندى. بۇل شارا وتاندىق قانت زاۋىتتارىن شيكىزاتپەن قامتاماسىز ەتۋگە جانە ىشكى نارىقتا باعاسى قولجەتىمدى قانت وندىرۋگە باعىتتالعان.
قازىرگى ۋاقىتتا قازاقستانداعى قانتتىڭ نەگىزگى كولەمى قامىس شيكىزاتىنان وندىرىلەدى. بۇل رەتتە قانت سالاسىن دامىتۋدىڭ كەشەندى جوسپارى شەڭبەرىندە قانت قىزىلشاسىن قايتا وڭدەۋ بويىنشا جاڭا قۋاتتاردى قوسقاندا, ءوندىرىستى كەزەڭ-كەزەڭىمەن ءارتاراپتاندىرۋ كوزدەلگەن. وسى پروتسەستىڭ ۇزاقتىعىن ەسكەرە وتىرىپ, قامىس شيكىزاتىن يمپورتتاۋ سالانىڭ تۇراقتى جۇمىسىنىڭ قاجەتتى شارتى بولماق.
سەرىك جۇمانعارين: پرەزيدەنت ەاەو اياسىنداعى ورتاق جۇمىسىمىزدىڭ باسىم باعىتتارىن ايقىندادى
بۇدان بولەك, 2026 جىلدىڭ سوڭىنا دەيىن قازاقستانعا مىس جانە مىس تسەمەنتتەۋ شتەينى يمپورتىنىڭ 2,5 مىڭ تونناعا دەيىنگى جيىنتىق كولەمى كەدەندىك اكەلۋ باجىنان بوساتىلادى. شەشىم شيكىزات ساتىپ الۋ شىعىنىن وڭتايلاندىرۋ مەن دايىن ءونىمنىڭ باسەكەگە قابىلەتتىلىگىن ارتتىرۋ ەسەبىنەن ءتۇستى مەتاللۋرگيا كاسىپورىندارىن قولداۋ ماقساتىندا قابىلدانعان.
قازاقستاندا تسەمەنتتەۋ مىسىن «كازتسينك» جشس وندىرەدى. ول وسى ءونىمنىڭ ءارى ءوندىرۋشىسى ءارى تۇتىنۋشىسى. كاسىپورىننىڭ مىس جانە مىس تسەمەنتتەۋ شتەينىنە جىلدىق قاجەتتىلىگى شامامەن 1,8 مىڭ توننا. كەدەندىك اكەلۋ باجىنىڭ مولشەرلەمەسىن نولدەۋ فيسكالدىق جۇكتەمەنى ازايتۋ, شىعىندى ازايتۋ ەسەبىنەن شيكىزاتتى ساتىپ الۋ كولەمىن ۇلعايتۋعا مۇمكىندىك بەرەدى.
قازاقستانعا جانە ەاەو-نىڭ باسقا دا ەلدەرىنە اكەلىنەتىن, توقىما ماتەريالدارىن, بىلعارىنى, ءجۇندى جانە حيميا ونەركاسىبىنىڭ باسقا دا ماتەريالدارىن وڭدەۋگە ارنالعان بىرقاتار تاۋارعا كەدەندىك اكەلۋ باجىن ءۇش جىل مەرزىمگە نولدەۋ تۋرالى شەشىم قابىلداندى.
سونىمەن قاتار ەەك كەڭەسىندە 2026 جىلعى 15 مامىرعا دەيىن قازاقستانعا شيە (500 توننا), ورىك (3 مىڭ توننا), شيە (1,5 مىڭ توننا), قارا ورىك (1,5 مىڭ توننا) اكەلۋدى كەدەندىك باجدان بوساتۋ كەلىسىلدى.
ەەك كەڭەسىنىڭ وتىرىسىنا قاتىسۋشىلار اوك سالاسىنداعى بىرلەسكەن كووپەراتسيالىق جوبالارعا قارجىلىق قولداۋ كورسەتۋگە ۋاعدالاستى. مۇنداي مۇمكىندىككە ەاەو قۇقىعىنا قاجەتتى تۇزەتۋ ەنگىزىلگەننەن كەيىن ەاەو-عا قاتىسۋشى ەلدەردىڭ اۋىل شارۋاشىلىعى كاسىپورىندارى قول جەتكىزە الادى.
