«جاڭا كونستيتۋتسيا جوباسىندا ادام قۇقىقتارى مەن بوستاندىقتارىنىڭ مەملەكەتتىڭ باستى قۇندىلىعى رەتىندە كورسەتىلۋى – قازاقستاننىڭ دامۋى ءۇشىن ماڭىزدى قادام دەپ ويلايمىن. بۇل مەملەكەتتىڭ ءاربىر ازاماتتىڭ قادىر-قاسيەتى مەن ەركىندىگىن قورعاۋعا ەرەكشە ءمان بەرەتىنىن بىلدىرەدى», دەيدى ول.
نازگۇل بايمۇحامەدقىزى جوباعا حالىقارالىق ادام قۇقىقتارى جونىندەگى نورمالاردىڭ ەنگىزىلۋى قازاقستاننىڭ الەمدىك قاۋىمداستىقپەن بايلانىسىن نىعايتاتىنىن اتاپ ءوتتى.
«ازاماتتاردىڭ جەكە, الەۋمەتتىك جانە ساياسي قۇقىقتارىنىڭ كەڭەيۋى قوعامدا ادىلدىك پەن تەڭدىكتى ارتتىرۋعا كومەكتەسەدى. ءومىر ءسۇرۋ قۇقىعىن قورعاۋ, جەكە دەرەكتەردىڭ قاۋىپسىزدىگى, «ميراندا ەرەجەسىنىڭ» ەنگىزىلۋى جانە تسيفرلىق قاۋىپسىزدىككە كوڭىل ءبولىنۋى قازىرگى زامان تالابىنا ساي كەلەدى. بۇل ازاماتتاردىڭ قۇقىقتارىنىڭ جاقسىراق قورعالۋىنا جانە مەملەكەتكە دەگەن سەنىمنىڭ ارتۋىنا ىقپال ەتەدى», دەپ جازدى ول.
سونىمەن قاتار, ايەلدەر مەن بالالاردىڭ قۇقىقتارىن قورعاۋ, نەكە ينستيتۋتىنىڭ تەڭ قۇقىقتى وداق رەتىندە تانىلۋى جانە ءبىلىم بەرۋ جۇيەسىنىڭ زايىرلى بولۋى قوعامداعى تۇراقتىلىق پەن ادامگەرشىلىك قۇندىلىقتاردى ساقتاۋعا باعىتتالعان.
«قورىتىندىلاي ايتقاندا, بۇل كونستيتۋتسيا جوباسى – ازاماتتاردىڭ قۇقىقتارىن قورعاۋعا, ادىلەتتى قوعام قالىپتاستىرۋعا جانە ەلدىڭ بولاشاعىن نىعايتۋعا ارنالعان ماڭىزدى قۇجات دەپ ەسەپتەيمىن», دەيدى اعا وقىتۋشى.
كونستيتۋتسيالىق رەفورما اياسىنداعى پەرسپەكتيۆالار
